1 KORINTUS 3:18 - KITAB NU TUMPU ALLA LELE MA'IMAI'

¹⁸ Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 3:18 ပူးပေါင်းရင်းမြစ်များ

AMSAL 26:12

Mian anu ponga' hondo daagi' lebe ma'ima' nulingkudui na mian anu monsangka butongnyo pande.

AMSAL 3:5

Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu.

AMSAL 3:7

Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek.

AMSAL 5:7

Kalana aitu, to ana-anak, potombihing na potataengku ka' boli okolilimi.

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

YESAYA 5:21

Silakamo na belemiu anu mongakui butongnyo mapaham ka' mule' pande!

YEREMIA 37:9

Aku, Tumpu, mompokinde'i belemiu, da boli mongakali posi butong nu belemiu kalana balapikinmo au' aitu aha mian nu Babel nambamo ka' madi'mo daagi' po ule' minsusule' mae. Kalana memang aha tionyo ahi' minsusule' mae.

YEREMIA 8:8

Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 18:4

Mian anu mompota'aluk butongnyo ka' timbali susumo anak aiya, iamo na anu talalo daka' hi mian anu palesayamo hi Tumpu Allah.

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

LUKAS 18:17

O inau'! Mian anu madi' mangadap hi Tumpu sumo samian na anak, madi' timbali minsoop mian anu palesayamo hi Tumpu Allah.”

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 12:16

Tumuu' mompaha kano-kanonongi samian tiba samian. Boli montige-tige na kinyonyoa, panyo obau na butongum susumo mian anu madi' molabi na kantumuu'annyo. Boli mongoa'i butong lebe pande, padahan madi' pande.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

1 KORINTUS 3:17

De ko anu mongidei Laigan nu Tumpu, Tumpu suele mongidei mian aijo'. Kalana Laigan nu Tumpu samata-mata ola Tumpu na tumpunyo, ka' laigan aijo' atina'mo komiu.

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

GALATIA 6:7

Boli tagoda ihan anu madi' ma'ima'. Tumpu madi' timbali opahaikakon! Apaa na anu sinu'anmo, aijo'mo na anu o ala na bua'nyo.

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.