1 KORINTUS 3:10 - KITAB NU TUMPU ALLA LELE MA'IMAI'

¹⁰ Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

1 KORINTUS 3:10 ပူးပေါင်းရင်းမြစ်များ

2 TAWARIKH 2:12

O puji' na Tumpu Allah nu Israel, anu Nompotimbalimo langit ka' tano'! Ia nombee'imo samian na anak mo'ane anu pande hondo hi Daud, ka' mule' malia' na bapikin, ka' manjoo' na anu nu pangalati'i, anu tempo' uuka aiya mogogia'mo mombau Laigan nu Tumpu, ka' sa'angu' na laigan nu tomundo bau kajojoongannyo.

NOSABATMO 36:4

Lantas iwi-iwi' na anu monsumbu' mombau apa-apaa anu aijo' hau-haunyo mombau pakalaja'an aijo'

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

AMSAL 9:1

Kapandean bapikin nompotinjomo laigan ka' mule' nompotinjomo popitu' na ohi'nyo.

ANU MOMPOLELE POTATAE NU TUMPU 12:9

Anu saja' Bapikin aijo' ko ilimu' ka' mule' pande; kalana aijo' ingajanakonnyomo hi aha mian iwi-iwi' na ilimu'nyo. Manjoo' na ibalat ginulu'annyomo; lantas inguji'nyomo na han aijo' pa' totu'u.

DANIEL 12:3

To pola-polaya' anu to pande-pande jongkilabanmo susumo jingka nu langit. Ka' mule' aha anu nongajanmo manjoo' na mian da mombau apaa na anu ma'ima' tiba anu adin, majingkamo susumo to manda-mandala' sampe toka sidu-sidutu'.”

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

LUKAS 11:35

Kalana aijo' obala'ingati, dumo jingka atina' hi beleyum pintungmo.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

SISIKON NU TO RASUL-RASUL 18:27

Lapas aitu i Apolos batanga'mo mamba mokiijo' i Akhaya. Sahingga to mia-mian anu palesaya hi Yesus anu i kiijo' i Efesus nontulis sulat toka hi to utu-utus anu palesaya kiijo' i Akhaya da aha mongka'oho' montalima i Apolos. Ka' tempo'nyo i Apolos tinokamo i Akhaya, ia nontulungi' aijo' kino gunanyo hondo hi to mia-mian, anu kalana balakat nu Tumpu pinalesayamo hi Yesus.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 15:15

Panyo mongkona hahan anu natantumo kupokeman hi komiu totu-totu'u i sulat aiya, kalana Tumpu nombee'mo kalaja aiya hi belengku.

ROMA 15:20

Anu ku kahanda'i aijo'mo mompolele Lele Ma'ima' anu lengkat mae hi Tumpu i tampat-tampat iya na anu ma'isa nohongo mongkona i Kristus. Kalana aku madi' mongka'oho' mombau kalaja opotinjo i mesen anu binau nu mian sangga'at.

1 KORINTUS 3:11

Kalana ola sa'a-sa'angu'nyomo i Yesus Kristus na pino'una' nu Tumpu da timbali mesen pompotinjoan gudang aijo'; madi' ko mesen sangga'at.

1 KORINTUS 9:2

Mau mule' to mia-mian sangga'at madi' mongka'oho' mongakui aku salaku rasul, panyo komiu mau sangki-sangkidingmo mongakui aijo'! Kalana kantumuu'an miu salaku mian Kristen timbalimo sa'angu' na bukuti' taalu' aku rasul.

2 KORINTUS 10:15

Kami madi' mompuji' posi butong mami i pokalajan nu mian sangga'at anu daagi' i sambiha'nyo nu batas anu tiniju'mo nu Tumpu Allah hi kami. Ola ahi' kami tataap i batas-batas anu tiniju'mo nu Tumpu hi kami ka' montaha'imani da komiu mompaka palesaya hi Kristus, da kami timbali mombau kalaja anu lebe daka' hi komiu.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

KOLOSE 4:17

Ka' poto'i hi Arkhipus, “Sabole-bole obau na kalaja anu binee'mo hi komiu salaku bau pontuluti palentah nu Tumpu.”

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

YAKOBUS 3:1

To Utu-utus! Boli manjoo' na anu mongka'oho' timbali gulu' atina' hi komiu. Osumbu' miu saba' kita anu timbalimo gulu' de oputusimo lebe o pekangi molingkudui mian sangga'at.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

2 PETRUS 3:15

Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.

ANU PINOTO'I HI YOHANES 21:19

Iwi-iwi' na batu pinompotinjoan kota aijo' binunga-bungan nu iwi-iwi' na ngahan nu batu mainan. Batu pinompotinjoan anu momona batu mobilu' jongkilaban na binau, anu ko ohua'nyo batu mainan mobilu' na binau, ko totolu'nyo batu mainan na binau, ko opatnyo batu mobilu' na buhitnyo na binau,