1 KORINTUS 2:15 - KITAB NU TUMPU ALLA LELE MA'IMAI'

¹⁵ Mian anu ko Roh nu Tumpu timbali moko ala monselidiki iwi-iwi' apaa, panyo madi' ko samian pe'e ko hak monselidiki Ia.

1 KORINTUS 2:15 ပူးပေါင်းရင်းမြစ်များ

2 SAMUEL 14:17

Ku palesaya hondo-hondo na janji' nu belento Tuanku aijo' timbalimo momposalamat aku, kalana belento Tuanku sumomo malaekat nu Tumpu Allah anu moko ala montoa apaa na anu ma'ima' ka' mule' apaa na anu ma'idek. O'amalakon da Tumpu Allah nu belento Tuanku na monjagai mae belento Tuanku!”

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

ANU MOMPOLELE POTATAE NU TUMPU 8:5

Mian anu tulu-tulutan hi ia sanang ka' madi' ko anu mompoposia; sinumbu'mo nu mian anu pande, hipian ka' mosia na montuluti tomundo'.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 16:3

I Paulus mongkahanda'i da i Timotius mombatuki ia; mokonyo aitu ia nonsunat i Timotius. Ia nombau aijo', kalana to mia-mian Yahudi i da'erah aijo' iwi-iwi' monsumbu' saba' tuumanyo i Timotius mian nu Yunani.

1 KORINTUS 14:37

De daagi' ko mian anu mongoa'i ko balakat da mompotoka lele lengkat mae hi Tumpu kabai ia ko balakat sangga'at lengkat mae hi Roh nu Tumpu, mian aijo' tionyo ahi' monsumbu' taalu' anu tinuliskumo aiya te palentah lengkat mae hi Tumpu.

1 KORINTUS 3:1

To Utu-utus, de o'ala i hondonyo madi' moko ala na aku motatae tiba komiu sumo tiba mian anu ko Roh nu Tumpu. Aku ola moko ala motatae tiba beleyum sumo tiba mian anu daagi' tumuu' mombatuki pongka'oho' nu dunia; sumo mian anu daagi' bunga mea' i kapalesaya'annyo hi Kristus.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

FILIPI 1:10

Tiba jalan anu sumo aijo' komiu monsumbu'mo mompile'i apaa na anu talalo ma'ima', ka' kantumuu'an miu belesi'mo i kasala'an kabai maumo pa'apaa na posala' opokona hi komiu, i sinaanyo de i Kristus mompo'ule'mo toka.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

1 TESALONIKA 5:21

Iwi-iwi' na apaa tionyo o uji', ka' anu ma'ima' tionyo ahi' obatuki.

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.