1 KORINTUS 2:14 - KITAB NU TUMPU ALLA LELE MA'IMAI'

¹⁴ Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

1 KORINTUS 2:14 ပူးပေါင်းရင်းမြစ်များ

AMSAL 14:6

Mian anu takabun madi' timbali pande; panyo mian anu pande dengke na balagulu'.

MATIUS 16:23

I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

YOHANES 10:20

Da'isan na anu notatae, “Ia pininsoopanmo nu setan! Ia motutuang! Bau apaa na komiu mohongo Ia?”

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

YOHANES 14:17

Ia aijo' Roh nu Tumpu anu momponyata' kahondoan mongkona Tumpu. Dunia madi' montalima Ia kalana madi' montoa ka' madi' monsumbu' Ia. Panyo komiu monsumbu' Ia, kalana Ia jojoong hingga-hinggat ka' komiu, ka' mosa'angu' tiba komiu.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 8:43

Apaa na sababnyo komiu madi' mangalati' hi anu Ku taloakon? Kalana komiu madi' moko ala mombatuki ajalan-Ku.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

SISIKON NU TO RASUL-RASUL 18:15

Panyo aiya te pahanggagan mongkona potatae ka' to sanggo-sanggo tiba posi to atu-atulan miu! Jadi komiu na tionyo momputusi hahan aiya. Aku madi' kona na momputusi hahan anu sumo aiya!”

SISIKON NU TO RASUL-RASUL 25:19

Aha ola madi' pokakana na pikilan tiba ia mongkona posi agama nu aha, ka' mongkona sala' samian anu sanggonyo i Yesus. Mian aijo' sinilakamo, panyo i Paulus notatae totu-totu'u tukoonyo mian aijo' po'ule'mo tinumuu'.

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

1 KORINTUS 1:25

Kalana anu otoa ponga' hi Tumpu, aijo' na pande molingkudui kapandean nu mian; ka' anu otoa madi' moko ala hi Tumpu, aijo' na lebe mahoson molingkudui kahosonan nu mian.

1 KORINTUS 15:44

Tempo'nyo i lamun, butong aijo' butong lengkat i dunia; panyo salatan po'ule'mo tumuu', saba' butong aijo' butongmo anu binee' nu Roh nu Tumpu. Daagi' ko butong anu lengkat mae i dunia daagi' mule' ko butong anu lengkat hi Tumpu.

1 KORINTUS 15:46

Anu tinoka momona ola mintabiat nu dunia, misa' mintabiat nu Roh. Anu mintabiat nu Roh tokaje i mihi.

1 KORINTUS 2:12

Ka' kita madi' binee'an roh nu dunia aiya, panyo Roh anu lengkat mae hi Tumpu, da kita monsumbu' iwi-iwi' apaa na anu binee' nu Tumpu hi kita.

1 KORINTUS 3:1

To Utu-utus, de o'ala i hondonyo madi' moko ala na aku motatae tiba komiu sumo tiba mian anu ko Roh nu Tumpu. Aku ola moko ala motatae tiba beleyum sumo tiba mian anu daagi' tumuu' mombatuki pongka'oho' nu dunia; sumo mian anu daagi' bunga mea' i kapalesaya'annyo hi Kristus.

YAKOBUS 3:15

Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

YUDAS 1:19

Ahamo haha aijo' na to mia-mian anu monsaduakon da madi' ko posa'angu'an. Aha madi' nu kuasai nu Roh nu Tumpu, panyo ola mombatuki pongka'oho' nu kalakuan nu dunia.