1 KORINTUS 2:10 - KITAB NU TUMPU ALLA LELE MA'IMAI'

¹⁰ Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

1 KORINTUS 2:10 ပူးပေါင်းရင်းမြစ်များ

AYUB 12:22

Jiningkan-Nyomo na tampat-tampat anu madi' talalo majingka; jiningkan-Nyomo na anu pikat hondo.

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 16:17

“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

LUKAS 2:26

ka' Roh nu Tumpu nompoto'imo hi ia, saba' ia ma'isa silaka de ma'isa pe'e montoa Tomundo anu Momposalamat, anu jinanji'mo nu Tumpu.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

1 KORINTUS 14:30

Panyo de bisuannyo lele lengkat mae hi Tumpu aijo' lubat mae hi samian anu suha-suhang aijo' hi aha anu singkabotmo i pogombuan aijo' sahanyo anu hau-haunyo basisik, aijo' momohokotmo.

1 KORINTUS 2:11

Kalana anu monsumbu' isi nu kinyonyoa nu samian, te misa' posi rohmo ahi' nu mian aijo'? Sumo aijo'mo na mongkona Tumpu. Anu monsumbu' isi nu kinyonyoa nu Tumpu ola posi Roh nu Tumpu!

GALATIA 1:12

Aku madi' nontalima lele aijo' lengkat hi manusia, ka' madi' ko samian pe'e na nongajanakon hi belengku. Posi i Yesus Kristus na nontaloakon isinyo nu Lele Ma'ima' aijo' hi belengku.

EFESUS 3:3

Tumpu nontaloakonmo lahasia nu tanga'an-Nyo ka' pinoto'inyomo mae hi belengku. (Mongkona han aiya noko tuliskumo i aita' mae kodo-kodo',

EFESUS 3:5

Naipuan mae lahasia aijo' madi' toho' pinosumbu' hi mian, panyo uuka Roh nu Tumpu nomponyata'mo hi to rasul-rasul ka' hi to nabi-nabi-Nyo.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.

ANU PINOTO'I HI YOHANES 2:24

Panyo belemiu anu sansangga'atannyo i Tiatira madi' nontuluti pangajalan anu ma'idek aijo', ka' madi' monggulu'i to panga-pangatahuan nu Ibilis. Aku notataemo tukoongku, Aku madi' montuangi hi belemiu kolonon anu mompatikoboati.