1 KORINTUS 16:9 - KITAB NU TUMPU ALLA LELE MA'IMAI'

⁹ Manjoo' na kasampatan i aiya mombau kalaja anu mingguna, mau mule' manjoo' suele na anu madi' mongka'ima'i.

1 KORINTUS 16:9 ပူးပေါင်းရင်းမြစ်များ

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

1 KORINTUS 15:32

De aijo' ola lengkat i pikilan nu mian, apaa na untungnyo hi belengku mompagala mokalaja susumo anu mongewa to bina-binatang bisa' i kota, i Efesus aiya? De totu'u mian silaka madi'mo po'ule' opotumuu', yo lebe ma'ima' obatukintomo na ande-andeon aiya: “Imbo' da kita mongkaan monginum ka' basanang-sanang kalana dodop manau' kita silakamo.”

2 KORINTUS 1:6

De kami mongoa'i kasusa'an, aijo' bau pompohoson kinyonyoaum da bau kasalamatanum. De kinyonyoa mami opohosonmo, saba' komiu suele opohosonmo sahingga komiu timbali sabaan mongoa'i iwi-iwi' na kasusa'an susumo suele anu ingoa'anmo kami.

2 KORINTUS 2:12

Tempo'nyo aku tinoka i Troas kahanda' mompolele Lele Ma'ima' mongkona i Kristus, Tumpu nombuka'mo jalan hi belengku da mokalaja i tampat aijo'.

FILIPI 3:18

Aku toto minsan nompoto'imo komiu, ka' uuka aiya po'ule' mule' ku ulit, tibamo nu haang, kalana manjoo' na mian anu kantumuu'annyo nongideimo alati'nyo nu i Kristus sinilaka pinosalib.

KOLOSE 4:3

Odo'akon suele na kami, da Tumpu mombee'i mae kami kasampatan anu ma'ima' na mombebakon lele mongkona lahasia i Kristus. Kalana han aijo', sahingga aku uuka aiya pinosoopmo i uno nu talungku'.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.