1 KORINTUS 16:10 - KITAB NU TUMPU ALLA LELE MA'IMAI'

¹⁰ De i Timotius tokamo itina', otalima na ia ma'i-ma'ima' da ia mongoa'i sanang itina' hi komiu, kalana ia pokakanamo sumo aku suele mokalaja mompojalan palentah nu Tumpu.

1 KORINTUS 16:10 ပူးပေါင်းရင်းမြစ်များ

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 19:22

Sahingga ia nonsai ua'aha na mian anu saja' montulungi ia, aitumo i Timotius ka' i Erastus da mamba mokiijo' i Makedonia, hau-haunyo ia daagi' jojoong to pia-piangkuka na ko pinnyo i Provinsi Asia.

ROMA 16:21

I Timotius, sangalungku, mompotoka salan do'anyo hi komiu. Sumo aitu mule' na i Lukius, i Yason ka' i Sosipater anu sa'a-sa'angu'mo na tulunan nu bansa tiba aku.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

1 KORINTUS 16:11

Boli ko anu ola montee ia. Tulungi na ia da ia timbali moko ala molausakon lajangnyo minsusule' mae hi belengku ma'i-ma'ima' kalana aku montanda'i katokaannyo tiba to Utu-utus sangga'at.

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.