1 KORINTUS 15:6 - KITAB NU TUMPU ALLA LELE MA'IMAI'

⁶ Lapas aijo' Ia nompotoa butong-Nyo mule' hi lima atu na anu saja' mombatuki Ia, aitu pe'e ugaat molabi tempo'nyo aitu. Kanjoo'annyo na mian haha aijo' daagi' tumuu' tempo' uuka aiya, ola toto sangga'at na sinilakamo.

1 KORINTUS 15:6 ပူးပေါင်းရင်းမြစ်များ

MATIUS 28:10

“Boli mabuhuk,” koonyo i Yesus hi aha, “Lako' poto'iakon hi to utu-utus-Ku da aha mamba mokiijo' i Galilea; i kiijo' mae aha montoaje Aku.”

MARKUS 16:7

Uuka lako'mo, potokakon na lele aiya hi anu saja' mombatuki Ia, sala'samian aijo'mo i Petrus. Taloakon, ‘Ia nambamo imoona nokiijo' i Galilea. I kiijo' mae komiu montoaje Ia, susumo anu tinaloakon-Nyomo hi komiu.’ ”

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 15:18

Aijo' alati'nyo mule' taalu' to mia-mian Kristen anu sinilakamo sumo aijo', suele madi' ko anu opitaha-taha'imani.

1 KORINTUS 15:20

Panyo nanasamo i Kristus sinilaka po'ule' pinotumuu'. Aijo'mo na katantuannyo taalu' to mia-mian anu sinilakamo po'ule' ahi' opotumuu'.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

1 TESALONIKA 4:15

Mongkona han aijo', aiyamo na ajalan nu Tumpu anu kahanda' opotokakon mami hi komiu: Salatan i Tumpu Yesus tokamo, misa' kita anu daagi' tumuu' na opopohimonakon lantas to mia-mian anu sinilakamo na imihije.

2 PETRUS 3:4

nu potatae sumo uuka, “Tukoonyo Tumpu nonjanji'mo toka! Uuka iya na Ia? To tutuuma mompolee'to sinilakamo, panyo iwi-iwi na apa-apaa daagi' ahi' pokakana sumo salatanmo pe'e dunia pinotimbali!”