1 KORINTUS 15:54 - KITAB NU TUMPU ALLA LELE MA'IMAI'

⁵⁴ De butong anu timbali silaka obolosimo nu butong anu madi' silaka, ka' butong anu lengkat i dunia aiya obolosimo nu butong anu lengkat mae i suluga', tempo'je aitu ka' timbalimo apaa na anu tinulismo i Kitab nu Tumpu, “Kapatean i hungku'anmo; ka'untungan i humpakmo!”

1 KORINTUS 15:54 ပူးပေါင်းရင်းမြစ်များ

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

LUKAS 20:36

Baunyo nu aha sumomo malaikat, ka' madi'mo silaka. Aha te ana-anakmo nu Tumpu, kalana aha po'ule'mo tinumuu' lengkat i kapatean.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

2 KORINTUS 5:4

Kalana hau-haunyo kita jojoong i laigan anu i dunia aiya, kita motusa' kalana o'oa'into maboat hondo. Misa' kalana kita mongka'oho'mo da butongto anu i dunia aiya olapasakontomo, panyo kalana kita mongka'oho'mo mompokona butong anu lengkat mae i suluga' aijo', da butongto anu timbali silaka aiya nukuasai nu anu tumuu'.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

ANU PINOTO'I HI YOHANES 20:14

Lapas aijo' Kapatean ka' Dunia Kapatean i lumbu'akonmo i uno nu apu anu sumo ndalangon. (Apu anu sumo ndalangon aiya, atina'mo na kapatean anu kopinduannyomo.)

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”