1 KORINTUS 15:18 - KITAB NU TUMPU ALLA LELE MA'IMAI'

¹⁸ Aijo' alati'nyo mule' taalu' to mia-mian Kristen anu sinilakamo sumo aijo', suele madi' ko anu opitaha-taha'imani.

1 KORINTUS 15:18 ပူးပေါင်းရင်းမြစ်များ

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 15:6

Lapas aijo' Ia nompotoa butong-Nyo mule' hi lima atu na anu saja' mombatuki Ia, aitu pe'e ugaat molabi tempo'nyo aitu. Kanjoo'annyo na mian haha aijo' daagi' tumuu' tempo' uuka aiya, ola toto sangga'at na sinilakamo.

1 TESALONIKA 4:15

Mongkona han aijo', aiyamo na ajalan nu Tumpu anu kahanda' opotokakon mami hi komiu: Salatan i Tumpu Yesus tokamo, misa' kita anu daagi' tumuu' na opopohimonakon lantas to mia-mian anu sinilakamo na imihije.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

ANU PINOTO'I HI YOHANES 14:13

Lantas aku nohongo potatae lengkat mae i suluga' nontaloakon, “O tulis na aiya: Otampu'uni uuka aiya, mohumpakmo ka'ima'an na to mia-mian anu sinilakamo tempo'nyo saja' nombau anu pinalentahkonmo nu Tumpu!” “Totu'u!” tinaaman nu Roh nu Tumpu. “Aha madi'mo pagala mokalaja, kalana hasin nu kalaja nu aha aijo'mo na nomboa aha nohumpak ka'ima'an.”