1 KORINTUS 14:2 - KITAB NU TUMPU ALLA LELE MA'IMAI'

² Mian anu basisik nu basa' anu okabangangi, mian aijo' misa' basisik hi mian; ia basisik hi Tumpu. Madi' ko mian monsumbu' anu tinaloakonnyo, kalana Roh nu Tumpu na nompotuka' hi ia nontaloakon anu ola Tumpu na monsumbu'.

1 KORINTUS 14:2 ပူးပေါင်းရင်းမြစ်များ

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

KAJADIAN 42:23

Nusumbu' i Yusuf na sisik nu aha, panyo aha madi' monsumbu' han aijo', kalana aha basisik tiba i Yusuf pinotokakon nu samian anu monsumbu' basisik i basa' nu Mesir.

2 TOMU-TOMUNDO' 18:26

Lantas notataemo na i Elyakim i Sibna, i Yoah, hi suludadu anu matangkas na pangkatnyo aijo', “O tuan, potatae basisik nu aha mian Aram hi kami, kami suele monsumbu'. Boli motatae susumo basisik nu mian Ibrani, dumo nusumbu' nu mian da'isan anu aita' i pagan mesen nu kota'.”

MAZMUR 78:2

Aku montaeakonmo sa'angu' na ibalat ka' kantuang, ka' mompoto'imo alati'nyo nu tangki-tangki'on tempo'nyo naipuan mae,

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MARKUS 16:17

Salaku bukuti' aha pinalesayamo, mian haha aijo' molaa' roh ma'idek kalana mompake sanggong-Ku; aha basisik nu potatae anu madi' nusumbu' nu aha.

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

SISIKON NU TO RASUL-RASUL 10:46

Sabab aha nohongo to mia-mian aijo' notatae i uno nu lupa-lupa nu basa' ka' mompuji-puji' Kadaka'an nu Tumpu. Lantas i Petrus notatae,

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

SISIKON NU TO RASUL-RASUL 22:9

To mia-mian anu i kiijo' nohingga-hinggat tiba aku nontoa sahaya aijo', panyo aha madi' nohongo potatae anu notatae hi belengku.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 12:10

Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 13:1

Mau mule' aku moko ala basisik tiba ngangahan basa' nu mian, kabai o tiba basa' nu malaikat, panyo aku madi' mongkalibosi mian sangga'at, saba' anu saja' kutaloakon aijo' ola onyi' anu linsingan panyo madi' ko alati'nyo.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

1 KORINTUS 15:51

Boli okolilimi na lahasia aiya: Madi' iwi-iwi' kita silaka, panyo kita iwi-iwi' obali'imo.

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

EFESUS 6:19

Ka' aku suele odo'akon mae da toka i tempo'nyo aku motatae, Tumpu mombee'i mae aku potatae anu sahondo-hondonyo. Ka' da aku baani moko ala mompoto'i lahasia nu Lele Ma'ima' aijo'.

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 TIMOTIUS 3:9

Aha tionyo ahi' montoongi kinyonyoa anu ma'ima' ka' belesi' i ajalan kapalesaya'an nu mian Kristen anu pinonyata'mo nu Tumpu Allah.

ANU PINOTO'I HI YOHANES 10:7

Panyo de malaikat ko popitu'nyo mompuuhimo tolompetnyo, Tumpu mombaumo anu tinanga'an-Nyomo, anu pinohowini-Nyomo aijo'. Sumo anu pinoto'i-Nyomo hi to posa-posaihon-Nyo, aijo'mo to nabi-nabi.”