1 KORINTUS 14:16 - KITAB NU TUMPU ALLA LELE MA'IMAI'

¹⁶ Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

1 KORINTUS 14:16 ပူးပေါင်းရင်းမြစ်များ

1 TOMU-TOMUNDO' 1:36

“Ii', sumo itina'mo,” kita mian anu talasanggo tinaman i Benaya, “o'amalakon da Tumpu Allah nu belento Tomundo' mompohoson palentah nu belento Tomundo' aijo'.

1 TAWARIKH 16:36

O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

NEHEMIA 5:13

Lapas aijo' binukankumo na salempang anu butu-butu' i kompongku lantas kinokabakonkumo ka' pinoto'ingkumo, “Sumo aiya na Tumpu Allah mongkobahakon batu-batu mian anu madi' mongganapi janji'nyo. Mian aijo' timbalimo loloison, laigan ka' iwi-iwi na halata'nyo nu alamo nu Tumpu Allah!” Iwi-iwi' na mian anu binalagombumo nontaami, “Totu-totu'umo na kinyonyoa mami!” Lantas nompuji'mo Tumpu. Jadi to pola-polaya' haha aijo' nongganapimo janji' nu aha.

NEHEMIA 8:6

I Ezra notataemo, “O puji' na Tumpu, Tumpu Allah anu talasanggo!” Iwi-iwi' na mian da'isan nohangkatmo tangka-tangkas lima nu aha ka' nontaami, “Totu-totu'u na kinyonyoangku, totu-totu'u na kinyonyoangku!” Lantas aha tinolodadupumo nonsombah Tumpu Allah.

MAZMUR 106:48

O puji' na Tumpu, Tumpu nu aha Israel, uuka aiya sampe toka sidu-sidutu'. Da' iwi-iwi' na mian montaloakon, “Amin!” O puji' na Tumpu!

MAZMUR 41:13

Belento nontulungimo mae aku kalana aku madi' tageo' na kinyonyoa, ka' nompobee'mo aku tumuu' hingga-hinggat tiba Beleyum sampe toka sidu-sidutu'.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

MAZMUR 89:52

To mia-mian anu monsampobali' Belento nompopo'ambangmo i tomundo' anu pinile'anmo nu Belento, o, Tumpu, lewa' mongkokojoi ia maumo pa' moya na ia mamba.

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

NOMBILANGMO 5:22

Uee anu mompotoka kutuk aiya minsoop mo i kompong nu beleyum ka' mompotimbalimo sombak ka' mule' mingkihu-kihutmo na jalempakan nu beleyum.” Boune aijo' tionyo ahi' montaami, “Aku situjumo; o amalakon da Tumpu mombaumo sumo aijo'.”

MATIUS 15:36

Lapas aijo' Ia nongala popitu' na roti ka' ikannyo, lantas Ia nompoitamo talima kase hi Tumpu. Lapas aijo', Ia nompuge-pugemo roti ka' ikan aijo' nu lima-Nyo, ka' binee'-Nyo hi anu saja' mombatuki Ia. Ka' binagi-bagiakonnyo hi mian da'isan aijo'.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MARKUS 16:20

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

YOHANES 21:25

Daagi' manjoo' na han sangga'at anu binau i Yesus. Maluannyo iwi-iwi' aijo' o tulis toto sa'angu', ku gantang madi' sampa' na tampat i dunia aiya anu moko ala mongisi kitab anu o tulis aijo'.

YOHANES 7:15

Anu mongkuasai Yahudi binangang hondo ka' notatae, “Mosia na mian aiya ka' manjoo' na anu nusumbu', padahan Ia madi' toho' nosikolah?”

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

1 KORINTUS 11:24

ka' noko taloakon na Ia talima kaseh hi Tumpu mongkona roti aijo', pinuge-puge-Nyomo na roti aijo' nu lima-Nyo, ka' notatae, “Aiyamo na butong-Ku anu binee'mo kalana komiu. Bau na aiya salaku ponginau' Aku.”

1 KORINTUS 14:14

Kalana de aku balado'a nu basa' anu okabangangi, kinyonyoangku memang balado'a, panyo pikilanku ola momohokot.

1 KORINTUS 14:2

Mian anu basisik nu basa' anu okabangangi, mian aijo' misa' basisik hi mian; ia basisik hi Tumpu. Madi' ko mian monsumbu' anu tinaloakonnyo, kalana Roh nu Tumpu na nompotuka' hi ia nontaloakon anu ola Tumpu na monsumbu'.

1 KORINTUS 16:24

Ka' mule' kalibosanku toka hi komiu Utus iwi-iwi' anu nosa'angu'mo tiba i Kristus Yesus. Tabea' mami, I Paulus 47

2 KORINTUS 1:20

Kalana montului Ia Tumpu notataemo “Ii'” hi iwi-iwi' na anu jinanji'-Nyomo. Mimpu'u i aijo' sahingga kita montaloakonmo “Amin” hi Tumpu kalana i Yesus Kristus. Kami mombau sumo aijo' da Tumpu opopodaka'.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

ANU PINOTO'I HI YOHANES 5:14

Sahingga opa-opat na malaikat haha aijo' nontaami, “Amin!” Ka' to pola-polaya' haha aijo' suele dinumaladupumo ka' nonsombah.

ANU PINOTO'I HI YOHANES 7:12

Aha notatae, “Amin! O puji' na Tumpunto anu talasanggo ka' anu pande hondo. Ia patut saja' otaloakon talima kase, ka' o'adati. Ia matangkas na kuasanyo ka' mahoson sampe toka sidu-sidutu'! Amin.”