1 KORINTUS 14:1 - KITAB NU TUMPU ALLA LELE MA'IMAI'

¹ Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

1 KORINTUS 14:1 ပူးပေါင်းရင်းမြစ်များ

AMSAL 15:9

Tumpu mongka'ideki kalakuan nu mian anu duluhaka; panyo Ia mongkalibosi mian anu mompagala mombau apaa na anu Nu kahanda'i.

AMSAL 21:21

Ihe na balausaha da ka'adilan ka' mompaha kali-kalibosi obau, saidi mae mohumpak kantumuu'amu bilahi, kaholomatan, ka' mantan na umun.

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

ROMA 12:6

Kita toto samian daagi' ko balakat mombau apa-apaa madi' pokakana. Balakat haha aijo' binee' nu Tumpu hi kita samata-mata kalana kalibosan-Nyo. Mokonyo aitu tionyo ogunakonto na balakat haha aijo'. Mian anu ko balakat mompolele lele lengkat mae hi Tumpu, tionyo mompolele lele lengkat mae hi Tumpu Allah aijo' iya na anu nupoko ala.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

ROMA 9:30

Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

1 KORINTUS 12:1

Uuka aiya mongkona to bala-balakat anu binee'mo nu Roh nu Tumpu. Mongkona han aijo', pongka'oho'ku to Utu-utus monsumbu' ahi' anu sahondo-hondonyo.

1 KORINTUS 12:31

Kalana aijo' tionyo ahi' olio miu totu-totu'u da mohumpak to bala-balakat anu talalo hondo penting. Panyo lapas aiya kupotiju'mo hi belemiu na jalan anu talalo hondo ma'ima'.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 14:22

Jadi balakat da basisik nu ngangahan basa' anu okabangangi aijo' sumo salaku tanda toka hi mian anu madi' palesaya, misa' toka hi mian anu palesayamo. Ka' balakat da mompoto'i tanga'an nu Tumpu hi mian aijo' sa'angu' na tanda kona hi mian anu palesayamo misa' kona hi mian anu madi' palesaya.

1 KORINTUS 14:37

De daagi' ko mian anu mongoa'i ko balakat da mompotoka lele lengkat mae hi Tumpu kabai ia ko balakat sangga'at lengkat mae hi Roh nu Tumpu, mian aijo' tionyo ahi' monsumbu' taalu' anu tinuliskumo aiya te palentah lengkat mae hi Tumpu.

1 KORINTUS 14:39

Mokonyo aijo', To Utu-utus, bala usaha da mompotoka lele lengkat mae hi Tumpu, panyo boli montewa' mian anu mongka'oho' basisik i ngangahan nu basa' anu okabangangi.

1 KORINTUS 16:14

Iwi-iwi' na anu obau miu, obau kalana mongoa'i molibos.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

1 TESALONIKA 5:20

Boli osangka dengke na lele anu binee'mo nu Roh nu Tumpu Allah.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 2:22

Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

2 PETRUS 1:7

Ka' tumuu' mombatuki pongka'oho' nu Tumpu tionyo ahi' otiwai nu mongkalibosi to utu-utus anu pokakana na iman. Ka' mule' de komiu mongkalibosi to utu-utus anu pokakana na iman tionyo ahi' otiwai nu mongkalibosi iwi-iwi'na mian.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.

1 SAMUEL 10:5

Lapas aijo' beleyum tionyo ahi' mambamo ibungkutnyo nu Tumpu Allah kiijo' i Gibea, tampat binakemah'an nu aha mian Filistin. Isabatan pinsoopan mokiijo' i kota', beleyum mojajalanmo tiba aha sanggombu na to nabi-nabi anu nintudunmo mae lengkat i bungkutnyo anu ponsombahkonan koloban. Aha lewa' monsalelei ka' lewa' molo'ais, mongkuti' gambus, mohapa'i gandang, mompuuhi puloit ka' mongkuti' kasapi'.