1 KORINTUS 13:9 - KITAB NU TUMPU ALLA LELE MA'IMAI'

⁹ Kalana anu osumbu'to tiba anu opoko ala opotoka na lele lengkat mae hi Tumpu, ma'isa talalo sukup.

1 KORINTUS 13:9 ပူးပေါင်းရင်းမြစ်များ

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

MAZMUR 139:6

Talalo hondo maleeng na ilimu' nu Belento aijo', madi'mo nupoko tokai nu pikilanku.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

ROMA 11:34

I uno nu Kitab nu Tumpu tinulismo sumo uuka, “Ihe na moko sumbu' pikilan nu Tumpu? Ihe na timbali mombee'i pokinde' hi Ia?

1 KORINTUS 13:10

Tokaje uuka mae na tempo'nyo Tumpu mombaumo iwi-iwi' aijo' sukupmo, ka' anu madi' sukup aijo' o alinmo.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

1 KORINTUS 8:2

Mian anu monsangka tukoonyo manjoo' na anu nusumbu', sabenannyo ma'isa monsumbu' anu sahondo-hondonyo.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.