1 KORINTUS 13:5 - KITAB NU TUMPU ALLA LELE MA'IMAI'

⁵ Ia madi' mingkadaka'an, madi' laloasa, ia madi' mompakisa mian sangga'at da mombatuki posi pongka'oho'nyo, madi' mule' malia' monipis na bihing, ka' mongingu.

1 KORINTUS 13:5 ပူးပေါင်းရင်းမြစ်များ

2 SAMUEL 10:3

Salatan aha tinokamo i Amon aha to pola-polaya' nu lipu' aijo' notataemo hi Tomundo' Hanun, “Boli belento Tomundo' bapikin i Daud nonsaimo mae mian haha aijo' kalana ia kahanda' moholomati tuuma nu belento Tomundo'! Ia nonsai mae mian haha aijo' ola salaku mian anu mamba mae mondoyoni kota' aiya da timbali nupoko ala nupatundu' nu aha.”

AYUB 21:27

Memang ku sumbu' apaa na anu opotutugakon nu belemiu, ka' iwi-iwi' na kalakuan anu ma'idek anu otanga'imo nu belemiu.

AMSAL 14:17

Mia nanu saja' motambuha' ponga' na mompopikilakon apa-apaa; panyo mian anu pande sipatnyo sabaan.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

NOMBILANGMO 12:3

I Musa mian anu madi' kobubuun, nu lingkudui na mian iwi-iwi' anu tutuu' i dunia aiya.

NOMBILANGMO 16:15

I Musa notambuha'mo hondo ka' notataemo hi Tumpu, “Tumpu, boli mongala palasombahan nu aha. Madi' toho' aku mompolugi' mau pe'e samian anu aijo' hi aha; ka' sa'angu' pe'e na keledai ma'isa toho' ingalangku aijo' hi aha.”

NOMBILANGMO 32:6

Tinaaman i Musa, “Kadaka' belemiu mongka'oho'mo jojoong i aiya sadang to mia-mian bubuu' bansa nu belemiu nambamo nahampate?

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

MARKUS 3:5

Pinusa na i Yesus nontoa anu montikubi, panyo Ia ahi' molibos, kalana aha talalo panggaga. Lantas Ia notatae hi mian aijo', “Kawakon mae na limaum.” Mian aijo' nongkawakon limanyo, lantas limanyo tinimbali na'alin.

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

1 KORINTUS 10:24

Boli ko samian mombau usaha ola posi kapentingan nu butongnyo. Toto samian mombau usaha tionyo ahi' bau kapentingan nu mian sangga'at.

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

1 KORINTUS 11:18

Momona ihongongku tukoonyo i uno nu kasingkabotan-kasingkabotan daagi' ko toto sanggombu na mian anu mompaha pisa-pisala'i. Ka' kututugi sangkiding kabai manjoo' na lele aijo' tantu totu'u.

1 KORINTUS 12:25

Desumo aitu yo butong aijo'madi' mobagi-bagi; posi-posi bagian mompalahatikan samian ka' samian.

1 KORINTUS 7:36

De toto samian mongoa'i madi' mompojalan anu sahondo-hondonyo hi dohoinyo, de ia madi' moko ala mongintim napisunyo, ka' nu oa'i palalu mo'osoa tiba langkoyang aijo', sahanyo nubau apaa na anu nu oa'i ma'ima'. Ia madi' baladosa' de aha mo'osoa.

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

2 TESALONIKA 3:7

Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

2 TIMOTIUS 4:16

Tempo'nyo aku momona nontutuhakonmo mosia na kahondoanku aiya, madi' ko samian pe'e na anu nonsangalui aku; iwi-iwi' nompala'imo aku. Bisa-bisa' Tumpu madi' mompisala'i aha i uno nu han aiya!

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.