1 KORINTUS 13:2 - KITAB NU TUMPU ALLA LELE MA'IMAI'

² Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 13:2 ပူးပေါင်းရင်းမြစ်များ

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 11:4

De samian na mo'ane balado'a kabai tempo'nyo monsisikakon lele lengkat hi Tumpu i ahop nu mian da'isan, okukumbungi na ubak, saba' mian aijo' mongambangi i Kristus.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 13:1

Mau mule' aku moko ala basisik tiba ngangahan basa' nu mian, kabai o tiba basa' nu malaikat, panyo aku madi' mongkalibosi mian sangga'at, saba' anu saja' kutaloakon aijo' ola onyi' anu linsingan panyo madi' ko alati'nyo.

1 KORINTUS 13:3

Mau mule' iwi-iwi' na anu daagi' hi belengku kubee' hi mian kasiasi, ka' kubee' na butongku da opapui, panyo aku madi' mongkalibosi to mia-mian sangga'at, saba' iwi-iwi' aijo' madi' hondo ko kaliangannyo.

1 KORINTUS 13:8

Madi' toho' ko tempo'nyo na mian madi'mo palalu mompaha kali-kalibosi. Uuka aiya daagi' ko mian anu pande na mompotokakon lele lengkat mae hi Tumpu, panyo saidi' mae ia madi'mo mompotoka lele aijo'. Uuka aiya daagi' ko anu pande basisik mongangahan na basa' anu okabangangi, panyo saidi' mae ia madi'mo basisik nu basa' haha aijo'. Uuka aiya manjoo' na mian anu monsumbu' lupa-lupa na han, panyo saidi' mae apaa na anu nusumbu' nu aha aijo' po'ule'mo okolilimi.

1 KORINTUS 14:29

Ua'aha kabai totolu' na mian anu ko lele lengkat mae hi Tumpu tionyo ahi' mompotoka lele aijo' hau-haunyo sangga'at mompopikilakon apaa na anu tinaloakonnyo aijo'.

1 KORINTUS 14:39

Mokonyo aijo', To Utu-utus, bala usaha da mompotoka lele lengkat mae hi Tumpu, panyo boli montewa' mian anu mongka'oho' basisik i ngangahan nu basa' anu okabangangi.

1 KORINTUS 14:4

Mian anu basisik nu basa' anu okabangangi ola mompohoson posi butongnyo, panyo mian anu mompotokakon lele lengkat mae hi Tumpu montulungi jama'at da timbali mahoson.

1 KORINTUS 15:51

Boli okolilimi na lahasia aiya: Madi' iwi-iwi' kita silaka, panyo kita iwi-iwi' obali'imo.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 7:19

Kalana mohongo-hongo atulan nu sunat kabai madi' mohongo-hongo, ohu-ohua' aijo' bubuu' madi' ko alati'nyo apa-apaa. Anu penting mohongo-hongo palentah nu Tumpu.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

GALATIA 5:16

Makisutku sumo uuka: Sahanyo Roh nu Tumpu na mompotiju' komiu, ka' boli tumuu' mombatuki pongka'oho' nu sipat nu manusia.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

EFESUS 3:4

ka' de komiu mombasa', osumbu'je miu na lahasia mongkona i Kristus sumo anu suele sinumbu'kumo.)

EFESUS 6:19

Ka' aku suele odo'akon mae da toka i tempo'nyo aku motatae, Tumpu mombee'i mae aku potatae anu sahondo-hondonyo. Ka' da aku baani moko ala mompoto'i lahasia nu Lele Ma'ima' aijo'.

KOLOSE 1:26

aijo'mo lele anu kopinnyo mo'atu-atumo na taun, anu u'utu pe'e mae pinohowini nu Tumpu hi mian iwi-iwi', panyo uuka aiya pinonyata'nyomo hi mian anu palesayamo hi Ia.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 YOHANES 4:8

Mian anu madi' mongkalibosi, madi' monsumbu' Tumpu; kalana Tumpu aijo' mongkalibosi.