1 KORINTUS 13:13 - KITAB NU TUMPU ALLA LELE MA'IMAI'

¹³ Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 KORINTUS 13:13 ပူးပေါင်းရင်းမြစ်များ

MAZMUR 146:5

Mohumpak kantumuu'an ma'ima' na mian anu talalo hondo montaha'imani Tumpu-nyo, ka' ko Tumpu i Yakub salaku anu montulungi ia.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 43:5

Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

LUKAS 22:32

Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

1 KORINTUS 14:1

Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

1 KORINTUS 16:14

Iwi-iwi' na anu obau miu, obau kalana mongoa'i molibos.

1 KORINTUS 3:14

De gudang anu pipinotinjomo nu mian i bawo nu mesen aijo' madi' mopapu nu apu, mian aijo' mohumpak tambonyo.

1 KORINTUS 8:1

Uuka aiya mongkona anu okaan anu obee' salaku osombahkon hi pilogot. Memang totu'u sumo anu tinaloakonmo nu mian, “Kita iwi-iwi' pinandemo.” Panyo kapandean monsaduakon mian da kobubuun, panyo kalibosan mombau da mian timbali ma'ima'.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

2 KORINTUS 5:15

I Kristus sinilaka bau pontokong mian iwi-iwi', da to mia-mian anu totuu', madi'mo daagi' tumuu' bau posi anu nu butongnyo, panyo baumo bagi i Kristus anu sinilakamo ka' nompo'ule'mo tinumuu' kalana kapentingan nu aha.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

KOLOSE 3:14

Ka' anu talalo hondo penting, aijo'mo: Komiu tionyo ahi' mompaha kali-kalibosi, kalana kalibosan aijo' na momposa'angu' to Utu-utus iwi-iwi' sahingga timbali mian anu sahondo-hondonyo.

1 TESALONIKA 5:8

Panyo kita aiya to mia-mian anu pinosoopmo i sinaa anu majingka; kalana aijo' pikilanto tionyo matantu. Kita tionyo tataap palesaya hi Tumpu ka' mongkalibosi to mia-mian sangga'at tiba taha'iman ahi' totu-totu'u saba' Tumpu momposalamatmo kita. Aijo'mo na toongon anu monjagai kita i uno nu usaha mongewa ka'idekan.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 YOHANES 2:10

Mian anu mongkalibosi utusnyo, tumuu'mo i uno nu jingka, sahingga madi'mo ko sa'angu' pe'e hi ia na anu monsaduakon mian sangga'at manabu' i uno nu dosa'.

1 YOHANES 2:14

Aku nontulismo toka hi belemiu, to Ana-anak kalana komiu nonsumbu'mo Tumpu Tuuma. Aku nontulismo toka hi belemiu to Tutuuma, kalana komiu nonsumbu'mo Potatae nu Tumpu anu polo-polo'mo daagi' salatanmo pe'e i momonanyo. Aku nontulismo toka hi komiu to Oli-olitau, kalana komiu mahoson. Potatae nu Tumpu Allah itina' i uno nu kinyonyoa miu, ka' komiu nohungku'imo Anu Ma'idek.

1 YOHANES 2:24

Kalana aijo', lele anu i hongomo miu salatanmo pe'e momonanyo komiu pinalesayamo tionyo ahi' o toongi miu ma'i-ma'ima' i uno nu kinyonyoa. De lele aijo' o toongimo miu ma'i-ma'ima', komiu saja'mo tumuu' mosa'angu' tiba Anak ka' tiba Tuuma.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.