1 KORINTUS 12:6 - KITAB NU TUMPU ALLA LELE MA'IMAI'

⁶ Manjoo' na ngangahannyo mombau kalaja nu Tumpu, panyo anu mombee'i kahosonan aijo' hi toto samian, aijo'mo Tumpu anu sa'a-sa'angu'nyomo!

1 KORINTUS 12:6 ပူးပေါင်းရင်းမြစ်များ

AYUB 33:29

Saja'mo pino uli-ulitnyo, nu Tumpu Allah nombau iwi-iwi' sumo aiya,

YOHANES 5:17

Panyo i Yesus notatae hi aha, “Tuumang-Ku saja' bakalaja toka-toka tempo' uuka, ka' Aku mule' suele mokalaja.”

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 12:5

Manjoo' na ngangahan nu kalaja bau pohongo-hongo Tumpu, panyo Tumpu anu ohongo-hongo aijo', Tumpu anu sa'a-sa'angu'nyomo!

1 KORINTUS 15:28

Panyo salatan iwi-iwi' tinundu'mo i aluk nu kapamalentahan i Kristus, saba' posi Ia, aijo'mo Anak nu Tumpu, montundu'akonmo butong-Nyo hi Tumpu anu nompotimbalimo iwi-iwi' matundu' hi Ia. Sahingga Tumpumo na mompalentah iwi-iwi'.

1 KORINTUS 3:7

Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;

EFESUS 4:6

ka' sa'angu' na Tumpu anu timbali Tuuma nu iwi-iwi' mian. Iamo na Tumpu nu songko-songko na langa, anu nompotimbalimo iwi-iwi' ka' mongkuasai iwi-iwi'.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.