1 KORINTUS 12:18 - KITAB NU TUMPU ALLA LELE MA'IMAI'

¹⁸ Jadi tinoantomo Tumpu na nompokona bagian haha aijo' i butong. Tumpu na nompokona i posi-posi tampatnyo, iya na anu Nu kahanda'.

1 KORINTUS 12:18 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 135:6

Ia molakukan apaa na anu nu kahanda'i, i langit ka' i tano' i ambai ka' i ndalangon anu maleeng hondo.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YUNUS 1:14

Kalana aijo' aha nomoitamo hi Tumpu, “O Tumpu opoita mami boli mae kami silaka kalana mongalamo napas nu mian anu madi' nombau kasala'an hi kami maumo pa' apaa. Kalana belento o Tumpu nombaumo apaa na anu okahanda'i nu Belento.”

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 12:6

Kita toto samian daagi' ko balakat mombau apa-apaa madi' pokakana. Balakat haha aijo' binee' nu Tumpu hi kita samata-mata kalana kalibosan-Nyo. Mokonyo aitu tionyo ogunakonto na balakat haha aijo'. Mian anu ko balakat mompolele lele lengkat mae hi Tumpu, tionyo mompolele lele lengkat mae hi Tumpu Allah aijo' iya na anu nupoko ala.

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 12:17

De bisuannyo songko-songko na butong aijo' ola tinimbali mata, mosia na butong aijo' timbali mohongo? Kabai de songko-songko na butong aijo' ola tinimbali bihing, mosia na butong aijo' mongook?

1 KORINTUS 12:19

De iwi-iwi' ola sa'angu' na bagian, iya na osanggohi butong?

1 KORINTUS 12:24

Bagian haha aijo' nu butong anu otoa na'ima'mo madi'mo palalu opalahatikanto. Tumpu nompotimbalimo butongto sumo aijo' na baunyo, sahingga bagian haha aijo' anu madi' talalo ko angga'nyo na anu talalo hondo o angga'into.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 15:38

Posi Tumpu na mombee' hi bine' aijo', tali'-Nyo anu nutoa ma'ima' i sosu'anon haha aijo'. Toto sa'angu' na ngahan nu bine', nu posi bee'i nu Tumpu tali'-Nyo i sosu'anon haha aijo'.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”