1 KORINTUS 12:12 - KITAB NU TUMPU ALLA LELE MA'IMAI'

¹² I Kristus aijo' sumo butong nu mian; butong aijo' sa'angu', panyo manjoo' na bagiannyo. Iwi-iwi' na bagiannyo aijo' mau mule' manjoo', panyo tinimbali sa'angu' na butong.

1 KORINTUS 12:12 ပူးပေါင်းရင်းမြစ်များ

1 KORINTUS 10:17

Kalana ola sa'angu' na roti ka' kita iwi-iwi' mongkaanmo te roti anu sa'a-sa'angu'nyomo aijo' suele, sahingga kita anu manjoo' aiya sumo-sumomo sa'a-sa'angu' na butong.

1 KORINTUS 12:20

Jadi memang manjoo' na bagiannyo, panyo butong ola sa'angu'.

1 KORINTUS 12:27

Kita Utus iwi-iwi' hingga-hinggat aijo'mo na butong i Kristus, ka' komiu toto samian suele te bagian nu butong aijo'.

1 KORINTUS 12:7

Toto samian, kita iwi-iwi' nu posi balakati nu Roh nu Tumpu Allah da bau ka'ima' anto.

GALATIA 3:16

Anu jinanji' nu Tumpu, binau nu Tumpu kona hi Abraham ka' kona hi mian lee' i Abraham. I uno nu Kitab nu Tumpu Allah madi' tinulis “ka' tona hi to mia-mian lee' i Abraham”, anu alati'nyo manjoo' na mian. Anu tinulis i kiijo' ola “ka' toka hi mian lee' nu beleyum”, alati'nyo ola sami-samiannyomo atina'mo i Kristus.

EFESUS 1:23

Jama'at aijo'mo na butong i Kristus, Ia na nompokopiani, anu nompokopianimo iwi-iwi' maumo pa' iyaya mae.

EFESUS 4:12

Aiya binau-Nyo da mian anu palesayamo hi Tumpu obee'i pangalati'an hondo-hondo da timbali mohongo-hongo apaa na nu pinokauhakon nu Tumpu ka' mombau posa'angu'an salaku butong i Kristus.

EFESUS 4:4

Ola sa'angu' na butong ka' sa'angu' na Roh. Sumo aitumo mule' na komiu i laga da ola sa'angu' na anu otaha'imani ka' mule' pokakana.

EFESUS 5:23

Kalana langkai' mongkapalai bengkele'nyo, pokakana sumo i Kristus suele mongkapalai jama'at, ka' ia mule' Tomundo anu Momposalamat jama'at anu tinimbalimo butongnyo.

EFESUS 5:30

Osumbu'to na aijo', kalana kita tinonsoopmo i butong i Kristus.)

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

KOLOSE 2:19

sahingga madi'mo daagi' mintoong hi Kristus anu tinimbalimo kapala. I uno nu pongatunan i Kristus, songko-songko na butong opotuu', ka' oposa'angu' nu to losu-losuannyo, ka' tumuu' mombatuki pongka'oho' nu Tumpu.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.