1 KORINTUS 12:11 - KITAB NU TUMPU ALLA LELE MA'IMAI'

¹¹ Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 KORINTUS 12:11 ပူးပေါင်းရင်းမြစ်များ

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 11:26

Aijo'mo na anu momposanang kinyonyoa nu Tuuma.”

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

YOHANES 3:27

I Yohanes nontaami, “Mian madi' moko ala montumpui apa-apaa, de madi' nubee' nu Tumpu hi ia.

YOHANES 3:8

Mombun lumap pa' moya na nu kahanda'i; ohongonto na onyi'nyo, panyo madi' osumbu'to pa' iyamae na pinolengkatannyo, ka' pa' moya na kalambanannyo. Sumo aijo'mo na anu ohampeakon nu Roh nu Tumpu.”

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

ROMA 12:6

Kita toto samian daagi' ko balakat mombau apa-apaa madi' pokakana. Balakat haha aijo' binee' nu Tumpu hi kita samata-mata kalana kalibosan-Nyo. Mokonyo aitu tionyo ogunakonto na balakat haha aijo'. Mian anu ko balakat mompolele lele lengkat mae hi Tumpu, tionyo mompolele lele lengkat mae hi Tumpu Allah aijo' iya na anu nupoko ala.

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

1 KORINTUS 12:18

Jadi tinoantomo Tumpu na nompokona bagian haha aijo' i butong. Tumpu na nompokona i posi-posi tampatnyo, iya na anu Nu kahanda'.

1 KORINTUS 12:4

Manjoo' na ngangahannyo nu balakat anu lengkat mae hi Roh Nu Tumpu, panyo iwi-iwi' aijo' ola sa'a-sa'angu'nyomo na Roh anu mombee'i mae aijo'.

1 KORINTUS 12:6

Manjoo' na ngangahannyo mombau kalaja nu Tumpu, panyo anu mombee'i kahosonan aijo' hi toto samian, aijo'mo Tumpu anu sa'a-sa'angu'nyomo!

1 KORINTUS 7:17

Tionyo toto samian mompokopiani kantumuu'annyo mombatuki pokinde' nu Tumpu sumo anu pinoto'imo nu Tumpu hi ia tempo'nyo Tumpu nolaga ia da palesaya hi Tumpu. Aijo'mo atulan anu pinogulu'kumo i to jama-jama'at.

1 KORINTUS 7:7

De o'ala hi belengku lebe ku ka'ima'i de iwi-iwi' na mian timbali sumo aku. Panyo toto samian nohumpakmo balakat anu madi' pokakana lengkat hi Tumpu. Samian daagi' ko balakat aiya, sangga'at daagi' ko balakat aijo'.

2 KORINTUS 10:13

Kami madi' sumo aijo'. De kami kobubuun, kami madi' moliu-liu batas. Kami jojoong i batas-batas nu da'erah pokalajan anu tiniju'mo nu Tumpu hi kami. Ka' komiu tinonsoopmo suele i uno nu da'erah aijo'.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 4:7

Kita toto samian mohumpakmo pa' apaa na nukahanda'i nubee' i Kristus.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.