1 KORINTUS 12:10 - KITAB NU TUMPU ALLA LELE MA'IMAI'

¹⁰ Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.

1 KORINTUS 12:10 ပူးပေါင်းရင်းမြစ်များ

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

MARKUS 16:17

Salaku bukuti' aha pinalesayamo, mian haha aijo' molaa' roh ma'idek kalana mompake sanggong-Ku; aha basisik nu potatae anu madi' nusumbu' nu aha.

MARKUS 16:20

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 11:28

Aijo' hi aha daagi' ko samian sanggonyo i Agabus. Roh nu Tumpu na nongkakeha ia sahingga nompoto'i apaa na anu jadi aiya mae i ahop, koonyo songko-songko na dunia tionyo toka na tempo' nu kapo'ohopan anu daka'. (Ka' han aijo' jinadimo suele tempo'nyo pamalentahan i Tomundo Klaudius.)

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

ROMA 12:6

Kita toto samian daagi' ko balakat mombau apa-apaa madi' pokakana. Balakat haha aijo' binee' nu Tumpu hi kita samata-mata kalana kalibosan-Nyo. Mokonyo aitu tionyo ogunakonto na balakat haha aijo'. Mian anu ko balakat mompolele lele lengkat mae hi Tumpu, tionyo mompolele lele lengkat mae hi Tumpu Allah aijo' iya na anu nupoko ala.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

1 KORINTUS 11:4

De samian na mo'ane balado'a kabai tempo'nyo monsisikakon lele lengkat hi Tumpu i ahop nu mian da'isan, okukumbungi na ubak, saba' mian aijo' mongambangi i Kristus.

1 KORINTUS 13:8

Madi' toho' ko tempo'nyo na mian madi'mo palalu mompaha kali-kalibosi. Uuka aiya daagi' ko mian anu pande na mompotokakon lele lengkat mae hi Tumpu, panyo saidi' mae ia madi'mo mompotoka lele aijo'. Uuka aiya daagi' ko anu pande basisik mongangahan na basa' anu okabangangi, panyo saidi' mae ia madi'mo basisik nu basa' haha aijo'. Uuka aiya manjoo' na mian anu monsumbu' lupa-lupa na han, panyo saidi' mae apaa na anu nusumbu' nu aha aijo' po'ule'mo okolilimi.

1 KORINTUS 14:13

Mokonyo aijo' mian anu basisik nu basa' anu okabangangi tionyo ahi' momoita hi Tumpu da ia obee'i suele kasanggupan montalangkan apaa na anu tinaloakonnyomo.

1 KORINTUS 14:39

Mokonyo aijo', To Utu-utus, bala usaha da mompotoka lele lengkat mae hi Tumpu, panyo boli montewa' mian anu mongka'oho' basisik i ngangahan nu basa' anu okabangangi.

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

1 TESALONIKA 5:20

Boli osangka dengke na lele anu binee'mo nu Roh nu Tumpu Allah.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.

ANU PINOTO'I HI YOHANES 2:2

Ku sumbu' apaa na anu binaumo miu: Belemiu mokalaja makeke ka' sabaan hondo na belemiu. Ku sumbu' saba' belemiu madi' sanang na kinyonyoa hi mian anu ma'idek. Ka' hi to mia-mian anu mongakui butongnyo rasul padahan misa', inguji'mo miu, ka' i humpakmo miu taalu' aha baleko'.