1 KORINTUS 11:30 - KITAB NU TUMPU ALLA LELE MA'IMAI'

³⁰ Mokonyo aijo' manjoo' anu itina' hi komiu masakit ka' madi'mo mahoson, ka' mule' ko anu sinilakamo.

1 KORINTUS 11:30 ပူးပေါင်းရင်းမြစ်များ

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

NOMBILANGMO 20:24

“I Harun madi' timbali minsoop i lipu' anu jinanji'-Kumo hi bansa Israel; ia silakamo kalana belemiu atina' ohua' madi'mo nohongo-hongo palentang-Ku koko kiijo' mae i bulakan nu uee Meriba.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 11:29

Kalana de mian mongkaan roti ka' monginum anggur, panyo madi' mongangga'i palajamuan aijo' mongkona butong nu Tumpu, mian aijo' mongkaan ka' monginum da mohumpak hukuman nu Tumpu i posi butongnyo.

1 KORINTUS 11:31

Panyo de kita mompalesa pe'e butongto momona, kita madi' nu hukum nu Tumpu.

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

1 KORINTUS 15:51

Boli okolilimi na lahasia aiya: Madi' iwi-iwi' kita silaka, panyo kita iwi-iwi' obali'imo.

1 TESALONIKA 4:14

Kita palesaya i Yesus sinilakamo ka' nompo'ule'mo tinumuu'. Aijo' na sababnyo kita palesaya suele, saba' Tumpu mompo'ule'je mompotumuu' iwi-iwi' na mian anu pinalesayamo hi Yesus ka' anu sinilakamo, da aha tumuu'mo tiba Ia.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.