1 KORINTUS 11:3 - KITAB NU TUMPU ALLA LELE MA'IMAI'

³ Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 KORINTUS 11:3 ပူးပေါင်းရင်းမြစ်များ

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

YESAYA 52:13

Tumpu notatae, “Memang, posaihon-Ku usahanyo nu humpak; ia opuji-puji'mo ka' oholomatimo.

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

YOHANES 14:28

Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

1 KORINTUS 3:23

Ka' komiu i Kristusmo na tumpunyo, ka' i Kristus, Tumpu Allah na tumpunyo.

EFESUS 4:15

Madi' sumo aijo'! Panyo ola ahi' kita tionyo momponyata' hahan anu totu'u nu kinyonyoa anu mongkalibosi hondo, sahingga i uno nu iwi-iwi' na han kita kopipinnyo timbalimo talakana' pokakana sumo i Kristus anu timbalimo kapalanto.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

KOLOSE 2:10

Ka' kalana kantumuu'an nosa'angu'mo tiba i Kristus, komiu mule' binee'anmo kantumuu'an anu sukup. Kalana i Kristus na mompalentah to roh-roh anu ko kuasa ka' anu mompalentah.

KOLOSE 2:19

sahingga madi'mo daagi' mintoong hi Kristus anu tinimbalimo kapala. I uno nu pongatunan i Kristus, songko-songko na butong opotuu', ka' oposa'angu' nu to losu-losuannyo, ka' tumuu' mombatuki pongka'oho' nu Tumpu.

KOLOSE 3:18

To Utu-utus anu tinimbalimo bengkele' nu mian! O tuluti na langkai' miu kalana sumo aijo' sabenanyo na kalakuan miu mian Kristen.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,