1 KORINTUS 11:17 - KITAB NU TUMPU ALLA LELE MA'IMAI'

¹⁷ Mongkona anu susumo aiya, aku madi' mompuji' komiu. Singkabot na komiu mogaleja misa' mohasinakon anu ma'ima', panyo anu madi' ma'ima'.

1 KORINTUS 11:17 ပူးပေါင်းရင်းမြစ်များ

1 PETRUS 2:14

mau mule' gubernur anu tiniju' nu Kaisar da mohukum mian anu mombau ma'idek, ka' da mongadati mian anu mombau ma'ima'.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

1 KORINTUS 14:23

Mokonyo aijo', de bisuannyo jama'at singkabotmo i uno nu pogombuan, iwi-iwi' jama'at basisikmo ingangahan nu basa' anu okabangangi, lantas toka to pia-piangkuka na mian anu misa' gampanto, kabai to mia-mian anu misa' Kristen, tantu to mia-mian haha aijo' monsangka komiu notutuangmo iwi-iwi'!

1 KORINTUS 11:22

Kadaka' sumo aitu? Te madi' kita Utus ko laigan ahi'? Kita Utus timbali mongkaan ka' monginum i kiijo'! Kabai o kita Utus mongka'oho' mompopo'ise' jama'at nu Tumpu, ka' mongambangi to mia-mian kasiasi? Apaa na anu tionyo kutaloakon hi komiu? Pa' tionyo aku mompuji' komiu? Madi'! I madi' hondo-hondo aku mompuji' komiu.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

IMAMAT 19:17

Boli lewa' mongingu mau mule' pa' ihe. Sampa baladame tiba maumo pa' ihe na mian anu nompaha sala'mo belemiu, da belemiu madi' baladosa' nusaduakon nu mian sangga'at.

1 KORINTUS 11:34

De daagi' ko anu mo'ohop, ia tionyo ahi' mongkaan pe'e i laigan. De komiu mongangga'i han aiya, pompahasingkabotan miu mogaleja madi' mompodaagi' hukuman lengkat mae hi Tumpu i posi butongum. Mongkona hahan sangga'at kututuhakonje hi komiu de aku po'ule'mo toka mae.

1 KORINTUS 11:20

Panyo tempo'nyo komiu silimu' anu obau miu misa' Palajamuan nu Tumpu.

AMSAL 27:5

Lebe ma'ima' pokinde' anu nyata-nyata' nulingkudui na kalibosan anu madi' olubatakon.

ROMA 13:3

Kalana mian anu mombau ma'ima' boli mabuhuk i pamalentah. Ola mian anu mombau anu ma'idek na tionyo mabuhuk. De kita Utus mongindi da kita madi' mongoa'i mabuhuk hi pamalentah, kita Utus tionyo mombau anu ma'ima', sahingga kita Utus o puji'.