1 KORINTUS 11:16 - KITAB NU TUMPU ALLA LELE MA'IMAI'

¹⁶ Jadi de daagi' ko anu mongka'oho' painggaga mongkona han aiya, sala' sa'angu' na kutaloakon aijo'mo saba' mau mule' kita, mau mule' to jama-jama'at nu Tumpu sangga'at, kanjoo'annyo ola sa'angu' na kabiasa'an anu daagi' i uno nu jama'at; de sangga-sangga'atnyo aijo' madi'mo.

1 KORINTUS 11:16 ပူးပေါင်းရင်းမြစ်များ

YEREMIA 32:11

Lapas aijo' ingalangkumo na sulat tanda ingolimo anu pinokampitanmo segel ka' ingisianmo syarat-syarat tiba atulan-atulannyo. Ka' ingalangku mule' na saliannyo nu sulat aijo' anu madi'mo kino segelnyo.

SISIKON NU TO RASUL-RASUL 21:21

Ka' uuka aha nohongomo taalu' kita Utus nongajanmo iwi-iwi' mian nu Yahudi anu jojoong hi aha i bansa sangga'at, da madi'mo mohongo atulan i Musa. Kita Utus nompokinde'imo aha, da aha madi'mo monsunat te to ana-anak nu aha kabai mombatuki adat kabiasa'an nu Yahudi.

SISIKON NU TO RASUL-RASUL 21:24

Jadi, mambamo ahi' na kita Utus mombau baunyo nu adat momposusi' butong hingga-hinggat tiba aha, ka' bayan nakon na ongkos nu aha da ubak nu aha timbali o kis. Tiba anu sumo aitu nu nyata'je nu iwi-iwi' mian saba' apaa na anu i hongo nu aha mongkona kita Utus madi' totu'u, kalana posi kita Utus suele monjalanakon ahi' atulan i Musa.

1 KORINTUS 11:15

Panyo hi boune hambahan nu ubak binee' hi ia da bau pongkukubi ubaknyo, ka' ubak mantan aijo' timbali kasanangannyo.

1 KORINTUS 16:1

Uuka aiya mongkona doi anu kahanda' obee' miu pontulungi sangko sangalu mian Kristen, kupoto'i da aijo' obau miu pokakana sumo sonto' anu pinoto'ingkumo hi to jama-jama'at kiijo' mae i Galatia.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 KORINTUS 7:17

Tionyo toto samian mompokopiani kantumuu'annyo mombatuki pokinde' nu Tumpu sumo anu pinoto'imo nu Tumpu hi ia tempo'nyo Tumpu nolaga ia da palesaya hi Tumpu. Aijo'mo atulan anu pinogulu'kumo i to jama-jama'at.

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

1 KORINTUS 9:6

Kabai ola i Barnabas ka' aku na anu tionyo mosi lio kaanon?

1 TESALONIKA 2:14

To utu-utus, han anu ingoa'anmo miu ingoa'anmo suele nu jama'at nu Tumpu i Yudea anu tinimbalimo i Kristus Yesus na tumpu-Nyo. Komiu nongoa'i kasansala'an lengkat i posi bansa miu, sumomo anu ingoa'an nu to jama-jama'at nu Tumpu i Yudea, aijo' lengkat mae hi to mia-mian nu Yahudi.