1 KORINTUS 11:12 - KITAB NU TUMPU ALLA LELE MA'IMAI'

¹² Kalana mau mule' boune anu momonanyo pinotimbali lengkat i mo'ane, panyo lapas aijo' mo'ane pinohampemo nu boune; ka' iwi-iwi' na apaa, nolengkat mae hi Tumpu.

1 KORINTUS 11:12 ပူးပေါင်းရင်းမြစ်များ

AMSAL 16:4

Sinin na apaa na anu nu bau nu Tumpu ko makisud-Nyo; ka' makisud nu mian anu ma'idek na kinyonyoanyo ola kasilakan.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

1 KORINTUS 11:11

Mau mule' sumo aitu i uno nu kantumuu'anto susumo mian Kristen, boune madi' mosi tinjo sausa', manilapas i mo'ane, ka' mo'ane mule' madi' mosi tinjo sausa', manilapas i boune.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

2 KORINTUS 5:18

Iwi-iwi' aijo' binau nu Tumpu. Ninjalan hi Kristus, na Tumpu nompotimbali kita nompo'ule'mo na'ima' tiba Ia, lantas nompalentah kita da to mia-mian sangga'at timbali mompo'ule' ma'ima' suele tiba Tumpu.