1 KORINTUS 10:7 - KITAB NU TUMPU ALLA LELE MA'IMAI'

⁷ Tiba mule' kita boli monsombah pilogot sumo anu binaumo nu sambagian na mian aijo' hi aha. I uno nu Kitab nu Tumpu tinulismo, “Saba' bansa aijo' nontampu'unimo mongkaan ka' monginum, ka' lewa'mo nonsalelei nonsombah pilogot.”

1 KORINTUS 10:7 ပူးပေါင်းရင်းမြစ်များ

NOSABATMO 32:17

Hau-haunyo nintudunmo nokaiyong, i Yosua nohongomo to mia-mian nu Israel lewa'mo noloboo', lantas ia notataemo hi Musa, “Daagi' ko anu nahansala'mo kiijo' i pinombauan kemah.”

NOSABATMO 32:19

Salatan i Musa ingohanimo kiijo' i pinombauan Kemah, tinoanyomo na sapi' mosoni' aijo' ka' to mia-mian hau-haunyo monsalelei sahingga ia notambuha'mo. Ikiijo'mo, i tengke nu bungkutnyo aijo', na i Musa nonsapahakon batu anu binoanyo mae aijo' sahingga nohimpunyumo toto sahintik.

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

1 KORINTUS 10:14

Mokonyo aijo', to Utu-utus anu ku ku kalibosi, tionyo ahi' komiu mongka'ideki monsombah pilogot.

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

1 KORINTUS 8:7

Mau mule' sumo aitu, madi' iwi-iwi' na mian monsumbu' anu sumo aijo'. Daagi' ko anu naipuan mae monsombah pilogot. Jadi, kalana aijo' sampe tempo' uuka aha daagi' monginau' te kaanon anu sinombahkonmo hi pilogot, aijo' kaanonmo nu pilogot. Sahingga de nukaan nu aha na kaanon aijo', aha mongoa'i baladosamo; kalana palesaya nu aha ma'isa mahoson.

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’

1 YOHANES 5:21

To ana-anakku, opimpali na butong miu i to pilo-pilogot! 13