1 KORINTUS 10:19 - KITAB NU TUMPU ALLA LELE MA'IMAI'

¹⁹ Apaa na anu ku ku kahanda'i mongkona han aijo'? Pilogot kabai kaanon anu osombahkon hi pilogot aijo' madi' kokaliangannyo apa-apaa.

1 KORINTUS 10:19 ပူးပေါင်းရင်းမြစ်များ

YESAYA 40:17

Iwi-iwi' na bansa madi' ko alati'nyo hi Ia, pokakanamo ahi' madi' ko anu i ahop-Nyo.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

1 KORINTUS 10:14

Mokonyo aijo', to Utu-utus anu ku ku kalibosi, tionyo ahi' komiu mongka'ideki monsombah pilogot.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 3:7

Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.