1 KORINTUS 10:13 - KITAB NU TUMPU ALLA LELE MA'IMAI'

¹³ Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

1 KORINTUS 10:13 ပူးပေါင်းရင်းမြစ်များ

MAZMUR 124:7

Kita sumomo tomonsi' anu nolapasmo i so'o nu mian anu kahanda' mohakop, so'o aijo' nobotu'mo, lantas kita nolapasmo!

MAZMUR 125:3

Mian anu ma'idek na kinyonyoanyo madi' saja'mo montoongi kakuasa'an i tano' pusaka' nu mian anu hodi' na kinyonyoanyo, da mian anu manonong madi' mosele mombau anu ma'idek.

MAZMUR 36:5

Itampat kahoyotannyo ia sola'mo montanga'i palabuatan ma'idek; palabuatannyo madi'mo daagi' ko anu ma'ima' anu ma'idekmo na anu nu ka'ima'i.

MAZMUR 89:33

aha Ku dokemo salaku bau pohukum kalana aha nolanggaimo atulan-Ku, ka' Ku bee'imo balaa' kalana dosa' nu aha iwi-iwi'.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

YESAYA 11:5

Ia adin na mongala kaputusan ka' madi' tageo' na kinyonyoa i uno nu han iwi-iwi'.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YEREMIA 12:5

Tumpu notatae, “O Yeremia, de beleyum malawemo na pailomba tiba manusia, tantu lebe mule' ahi' madi' nu poko ala na pailomba tiba ajahan? De itano' anu aman beleyum mabuhukmo, tantu lebe mule' madi' ko anu nu poko ala nu bau de beleyum kiijo' mae i alas isonibi nu Yordan?

YEREMIA 29:11

Te misa' Ku posi sumbu'i ahi' na anu tinanga'an-Kumo mosia na belemiu atina'? Apaa na anu tinanga'an-Kumo aijo' misa' da monsilakai belemiu panyo da bau ka'ima'an nu kantumuu'an nu belemiu ka' mombee'i belemiu kasampatan anu lebe ma'ima' aiya mae i ahop.

MOHAANGI 3:23

saja' bu'ou de subu-subumo totu'u, Tumpu manonong hondo!

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 11:4

Ampuniakon na dosa-dosa' mami, kalana kami suele nongampunimo batu-batu mian anu kosala'nyo hi kami. Ka' boli mompojohok kami nukona nu soba'an dumo kami madi' palesaya.’ ”

LUKAS 16:26

Ka' mule' aitu i olotum ka' kami binaumo na keles daka', de mian lengkat mae aiya madi' moko pokiijo', ka' anu lengkat mae aijo', madi' moko po'uuka mae!’

LUKAS 22:46

Lantas Ia notatae hi aha, “Kadaka' komiu hoyot? Bulamo ka' balado'a da boli komiu nukona nu ponsobai.”

SISIKON NU TO RASUL-RASUL 27:44

Sangga'at mololoi'je mintoong i dopi' kabai i bense-bense'an nu kapan aijo'. Tiba jalan aijo', kami iwi-iwi' sinalamatmo tinoka nokiijo' i katano'an.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

1 TESALONIKA 5:24

Tumpu anu nolagamo komiu, na nombau han aijo' kalana Ia manonong.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

IBRANI 10:23

Kita tionyo ahi' mintoongmo hoso-hoson i anu otaha'imaninto, anu ingakuantomo kalana Tumpu timbali opalesaya, ka' apaa na anu jinanji'-Nyomo tionyo ahi' Nupodaagi'.

IBRANI 11:11

Kalana bala'iman, sahingga i Abraham nohumpakmo lee' hi Sarah, maumo i Abraham i langkai'mo hondo, ka' i Sarah mule' i lengke'mo. Pinalesayamo hondo na kinyonyoa i Abraham, kalana nusumbu' tionyo nuganapi nu Tumpu na palajanjian-Nyo.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 PETRUS 4:19

Kalana aijo', de daagi' ko to mia-mian anu mongoa'i kasansala'an kalana sumo aijo' na nu kahanda'i nu Tumpu, jadi bala usaha ahi' da mian haha aijo' tumuu' i uno nu kahondoan ka' mompalesayakonmo ahi' butong nu aha hi anu Nompotimbalimo aha. Ia saja' mongganapi janji'-Nyo.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

1 SAMUEL 29:10

Mokonyo aijo' Daud, dodop belemiu iwi-iwi' anu nompala'imo mae i Saul lantas nambamo mae hi belengku, dodop subu-subu hondo pobulamo ka' lako'mo lia-lia' de sinaa bete'mo.”