1 KORINTUS 10:11 - KITAB NU TUMPU ALLA LELE MA'IMAI'

¹¹ Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

1 KORINTUS 10:11 ပူးပေါင်းရင်းမြစ်များ

KAJADIAN 19:35

Sumo aitu mule' pihi-pihi aijo' aha nolangui mule' i Lot, ka' anaknyo anu ko ohua'nyo na noduhusmo tiba ia. Ka' i Lot talalomo nalangu mule' sahingga madi' sinumbu'nyo pa' apaa na anu tinimbali.

MAZMUR 102:18

Nu hongomo na do'a nu mian anu palesayamo hi ia aijo'mo mian anu talalomo hondo sinusa', ka' nu talimamo na do'a nu aha.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

MATIUS 13:39

Sampobali' anu nonsu'an padang haha aijo' Ibilis. Tempo' nu mompadak, aijo'mo Sinaa Kiamat, ka' to mia-mian anu mompadak aijo'mo na to mala-malaikat.

MATIUS 13:40

Sumo aitumo na to pada-padang olimu' ka' opapui i uno nu apu, sumo aitumo na Sinaa de Kiamatmo.

ROMA 13:11

Gampanyo nu anu osumbu' miu iwi-iwi' aijo', aijo'mo tempo' uuka tempo'nyomo komiu mobula, bolimo hoyot. Kalana kita oposalamat ko oha-ohaninyomo na tempo'nyo uuka aiya, misa' sumo sala'je kita nontampu'uni pinalesaya.

ROMA 13:12

Pihi ko mingko-mingkotnyomo; ka' daagi' sasaidi' majingkamo. Jadi, sahanyo kita bolimo solaa' mombau anu i uno nu pintung. Kita tionyo montoukaimo butongto nu toongon ponjagai butong aijo'mo jingka.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 4:23

Potatae, “Otalima sumo mian anu momposanang kinyonyoa nu Tumpu” tinulis misa' ola posi kona hi Abraham,

1 KORINTUS 10:6

Iwi-iwi' aijo' timbali sonto' hi kita, bau pompotuka' kita da boli mongka'ima'i anu ma'idek sumo aha.

1 KORINTUS 7:29

Pongka'oho'ku sumo uuka, To Utu-utus: Kita madi'mo ko tempo' manjoo'. Otampu'uni tempo' uuka toto samian anu ko bengkele'mo tionyo ia tumuu' susumo madi' ko bengkele'nyo;

1 KORINTUS 9:10

Kabai aijo' makisutnyo kona hi kita? Memang aijo' tuli-tulis kona hi kita. Kalana mian anu mombau ale' tiba mian anu mompobelesi'i gandumnyo memang pantasnyomo na mokalaja kalana montaha'imani da mohumpak sambagian hasin nu kalajanyo.

GALATIA 4:24

Aiya timbali opake sumo ande-andeon. Ua'aha na boune aijo', aijo'mo susumo ohua' na palajanjian: samian nolengkat mae i Bungkutnyo nu Sinai – aitumo i Hagar; to ana-anaknyo pinohampe salaku posaihon.

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

IBRANI 10:37

Kalana i uno nu Kitab nu Tumpu tinulismo, “Madi'mo pin; Ia anu tokaje mae aijo', malia-lia'mo toka; Ia madi'mo montanda'i pipin pa'hipianje na Ia toka.

1 YOHANES 2:18

To ana-anakku, kakiamatan ohanimo! Pinoko poto'imo hi komiu i momonanyo tukoonyo Sampo Bali' i Kristus tokamo saidi' mae; ka' tempo' uuka aiya i lubatmo da'isan na mian anu monsampo bali' i Kristus. Aijo'mo na tandanyo saba' kakiamatan malia'mo toka.