1 KORINTUS 1:30 - KITAB NU TUMPU ALLA LELE MA'IMAI'

³⁰ Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 1:30 ပူးပေါင်းရင်းမြစ်များ

AMSAL 1:20

Potombihing! Kapandean bapikin nolagamo i songko-songko na jalan ka' notataemo daka-daka' i lapangan!

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEREMIA 33:16

Aha mian nu Yehuda tiba anu jojoong i Yerusalem oposalamatmo ka' tumuu' madi'mo ko anu mompoposia. Kota' Yerusalem osanggohimo ‘Tumpu na Momposalamat Kita’.

DANIEL 2:20

Ia notatae; “Tumpu aijo' pande hondo ka' baani, Opuji' na Ia sampe toka sidu-sidutu'!

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

LUKAS 11:49

Aijo' na sababnyo Kapandean nu Tumpu notatae, ‘Ku saije mamba hi aha na to nabi-nabi ka' to posa-posaihon-Ku; sambagian o patei ka' sambagian o sakisa!’

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 12:5

Sumo aitumo na kita. Mau mule' kita iwi-iwi' manjoo', panyo kita ola sumo sa'a-sa'angu'nyomo na butong, kalana kita nosa'angu'mo hi Kristus. Ka' kita toto samian nosa'angu'mo samian tiba samian susumo bagi-bagian nu sa'angu' na butong.

ROMA 16:11

ka' hi Herodion. Ia sa'a-sa'angu'mo na tulunan nu bansa tiba aku. Sumo aitu mule' salan do'angku hi to utu-utus anu sa'agama i uno nu sampotoutusan i Narkisus.

ROMA 16:7

Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

ROMA 4:6

Sumo aijo' mule' na koonyo i Daud; mokonyo aijo' ia nontaeakon salamat kopian toka hi mian anu tinalimamo nu Tumpu Allah salaku mian anu momposanang kinyonyoa-Nyo, madi' Tumpu Allah sola' montutu-tutugi palabuatan nu mian aijo'. I Daud notatae sumo uuka,

ROMA 5:19

Ka' susumo manjoo' na mian timbali mian baladosa' kalana samian anu madi' montapali, sumo aijo' mule' na konjoo'nyo nu mian opotimbali po'ule' ma'ima' tiba Tumpu, kalana samian na anu montapali Tumpu.

ROMA 5:21

Jadi, kita tionyo mate kalana kita nombaumo dosa'. Panyo Tumpu mongkalibosi kita mombee'i jalan hi kita da mompaha ima' tiba Ia. Ka kalana pompahasumbu'anto tiba Tumpu po'ule'mo na'ima', Ia mule' mombee'i kantumuu'an kopian ka' sampe toka sidu-sidutu' hi kita kalana i Yesus Kristus, Tumpunto.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

1 KORINTUS 12:18

Jadi tinoantomo Tumpu na nompokona bagian haha aijo' i butong. Tumpu na nompokona i posi-posi tampatnyo, iya na anu Nu kahanda'.

1 KORINTUS 12:27

Kita Utus iwi-iwi' hingga-hinggat aijo'mo na butong i Kristus, ka' komiu toto samian suele te bagian nu butong aijo'.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

1 KORINTUS 4:15

Kalana akumo na timbali tuuma miu, mau mule' ugaat salaku mian Kristen, komiu kino gulu'mo sampulu' na madala. I uno nu kantumuu'an miu susumo to mia-mian anu nosa'angu'mo tiba i Kristus, aku na timbali tuuma miu, kalana aku na nomboa Lele Ma'ima' mongkona i Kristus hi komiu.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

2 KORINTUS 12:2

Kusumbu' samian na Kristen u'utu mae sampulu'mo ka' opat na taun anu i hikuhakonmo, i hangkatmo nokiita' i tampat anu matangkas hondo i suluga'. (Aku madi' monsumbu' pa' butongnyo totu-totu'u tinahangkat kabai ola susumo anu kinohiabakon – ola Tumpu Allah na monsumbu'.)

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

EFESUS 1:14

Roh aijo'na mompohoson saba' kita manau' mae montalimamo apaa na anu jinanji'-Nyomo nu Tumpu hi mian palesayamo hi Ia. Aiya mompokododo kapalesaya'anto kalana Tumpu mompobebasmo mian anu palesayamo hi Ia. O puji' na Tumpu kalana Ia talasanggo.

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

KOLOSE 1:14

Kalana Anak-Nyo aijo', sahingga kita pinobebasmo; alati'nyo dosa'to iwi-iwi' ingampunanmo.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

1 YOHANES 5:6

I Yesus Kristusmo na anu tinoka i dunia tiba uee pinompalamandikan Ia ka' tiba baso' anu Ia sinilakamo. Ia tinoka misa' ola uee, panyo tiba uee ka' baso'. Ka' posi Roh nu Tumpu Allah na nompoto'i anu sinakisiannyomo tukoonyo memang aijo' totu'u, kalana Roh madi' toho' baleko'.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.