1 KORINTUS 1:27 - KITAB NU TUMPU ALLA LELE MA'IMAI'

²⁷ Kalana memang tinotonggolakonmo nu Tumpu na nompile'i anu osangka ponga' nu dunia aiya, da to mia-mian pande timbali ma'ambang. Ka' Tumpu suele nompile'imo anu osangka' madi' moko ala nu dunia aiya, da to mia-mian anu mahoson timbali ma'ambang.

1 KORINTUS 1:27 ပူးပေါင်းရင်းမြစ်များ

MAZMUR 8:2

O Tumpu, Tumpu mami, kuasa nu Belento talasanggo hondo i dunia songko-songko! Talasanggo hondo na Belento nu lingkudui na kotangkasnyo nu langit

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

NOMBILANGMO 22:30

Tinaaman nu keledai aijo', “Te misa' aku aiya keledai nu belento Tuan anu pininmo saja' osake'i nu belento Tuan? Pa' toho' aku pinanggaga hi belento Tuan?” “Madi',” tinaaman i Bileam.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 21:16

Aha notatae hi Yesus, “Beleyum nohongo apaa na anu tinaloakon nu aha?” “Ii' Aku nohongo,” tinaaman i Yesus. “Ma'isa toho' komiu nombasa' ayat Kitab nu Tumpu aiya: ‘To ana-anak ka' bungamea' Ingajannumo montaeakon pompuji' anu talakana'’?”

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 7:35

I Musamo aiyamo na i Musa anu madi' nuka'ima' nu bansa Israel ka' anu madi' otalima nu aha ka' notatae sumo uuka, ‘Ihemo na nohangkat beleyum timbali polaya' ka' mian kopian mami?’ Panyo iamo na mian anu sinai nu Tumpu timbali polaya' ka' pomposalamat, kalana bantuan lengkat hi malaikat anu tinoka hi ia i kuhat anu moak aijo'.

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 2:12

Ka' kita madi' binee'an roh nu dunia aiya, panyo Roh anu lengkat mae hi Tumpu, da kita monsumbu' iwi-iwi' apaa na anu binee' nu Tumpu hi kita.

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.