1 KORINTUS 1:26 - KITAB NU TUMPU ALLA LELE MA'IMAI'

²⁶ To Utu-utus! Soba tutugi mosia na bau-baunyo tempo'nyo Tumpu nolagamo komiu. Ola sangkiding na anu pande itina' hi komiu, kabai ko kuasa, kabai anu ko pangkat matangkas susumo koonyo nu mian.

1 KORINTUS 1:26 ပူးပေါင်းရင်းမြစ်များ

2 TOMU-TOMUNDO' 5:4

Salatan i hongomo i Naaman na aijo' ia nambamo hi tomundo' ka' sinisiknyomo apaa na anu pinoto'i nu boune aijo'.

AYUB 37:24

Mokonyo aijo' Ia konanyomo na o'adati nu mian maumo pa' ihe, ka' mian anu mangaku pande, madi' Ia mompajuli.”

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

LUKAS 1:3

Pinoko palesangku ima-ima' iwi-iwi' aijo' lengkat pe'e i pu'unnyo, kututugi ma'ima' da montulis sa'angu' na lapulan anu ta'atun toka hi kita Tuan.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

SISIKON NU TO RASUL-RASUL 13:12

Salatan gubernur aijo' nontoa apaa na anu jinadimo, ia pinalesayamo hi Yesus; kalana ia bangang hondo i pangajalan mongkona Tumpu.

SISIKON NU TO RASUL-RASUL 13:7

I Sergius Paulus, gubernur nu togong aijo', atina'mo na mosangalu hondo tiba anu monsumbu' ilimu' aijo'. Gubernur aijo' samian anu sukup na kapandeannyo. Ia nolaga i Barnabas ka' i Saulus, kalana ia ka'oho' mohongo potatae nu Tumpu.

SISIKON NU TO RASUL-RASUL 17:34

Panyo daagi' ko anu aijo' hi aha na mosambiha' hi Paulus ka' palesaya hi Yesus, aijo' hi aha: I Dionisius mian anu ko pangkat mokalaja i Areopagus, ka' samian na boune sanggonyo i Damaris, ka' to pia-piangkuka mule' na mian.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 2:13

Kalana aijo' de kami montutuhakon hahan mongkona Tumpu hi to mia-mian anu ko Roh nu Tumpu, kami madi' montutuhakon mombatuki kapandean nu mian, panyo mombatuki pokinde' nu Roh nu Tumpu.

1 KORINTUS 2:8

Madi' ko samian pe'e na anu mongkuasai tempo' uuka monsumbu' kapandean aijo'. Kalana de sinumbu'mo nu aha, tantu aha madi' nonsalib Tumpu anu ko angga'annyo aijo'.

FILIPI 4:22

Iwi-iwi' na mian anu palesayamo hi Tumpu i kota aiya, lebe-lebe mule' aha anu nolengkat mae i laigan nu Tomundo, nompakatu salan do'a hi komiu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

2 YOHANES 1:1

Toka hi Pontina'on anu pinile'anmo nu Tumpu, ka' toka hi to ana-anak nu Pontina'on. Sulat aiya lengkat mae hi belengku, polaya' nu jama'at anu totu-totu'u mongkanonongi komiu. Misa' ola aku, panyo iwi-iwi' na mian anu nonsumbu'mo Tumpu anu totu'u, suele ahi' mongkanonongi komiu.