1 KORINTUS 1:23 - KITAB NU TUMPU ALLA LELE MA'IMAI'

²³ Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

1 KORINTUS 1:23 ပူးပေါင်းရင်းမြစ်များ

MATIUS 11:6

Kopi-kopian na mian anu madi' mombahakon tiba monsalakon Aku!”

MATIUS 13:57

Sahingga aha madi' nontalima i Yesus. Lantas i Yesus notatae hi aha, “Samian na nabi o adati iyayamae, panyo posi i kampungnyo ka' i laigannyo, madi' o adati.”

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

1 KORINTUS 2:2

Kalana aku binalaniatmo mau sangkuka na kopinnyo na aku jojoong hingga-hinggat tiba komiu, aku madi' monsisik apa-apaa de misa' anu mongkona i Yesus Kristus; anu sini-sinilakamo sinalib.

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

GALATIA 5:11

Mongkona aku, to Utu-utus, kadaka' aku saja' oka'ideki de aku daagi' mompolele tukoongku atulan nu sunat aijo' daagi' ahi' palalu? De aku memang mompolele sumo aijo', saba' anu ku polele mongkona salib i Kristus madi'mo timbali monsaduakon painggagan.

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.