1 KORINTUS 1:20 - KITAB NU TUMPU ALLA LELE MA'IMAI'

²⁰ Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 1:20 ပူးပေါင်းရင်းမြစ်များ

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 16:23

Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

AYUB 12:17

Po'ule'mo ingala-Nyo na kapandean bapikin hi to pama-pamalentah anu ko kakuasa-annyo, ka' to pola-polaya' pinotimbali-Nyomo da lewa' okokojoi.

AYUB 12:20

Ginungguman-Nyomo na nganga' nu mian anu ma'idek na kinyonyoanyo, po'ule'mo ingalanyo na kapandean bapikin nu to mia-mian anu langkai'mo.

AYUB 12:24

To pola-polaya' pinopusing-Nyomo, sahingga aha lewa'mo namba madi' osumbu-sumbu' pa' moya na kalambanan.

YESAYA 33:18

Kahosonan nu beleyum anu ihiku hakonmo kona hi aha anu montalima pajak, anu kapangkat ka' anu montoa aha mian anu isalipu'an mae me sola' opo inau'akon.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 53:1

Tinaaman nu bansa aijo', “Ihe ahi' na anu pinalesayamo ihan anu i hongomo mami? Hi he na pinomponyata'anmo kuasa nu Tumpu?

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

YOHANES 12:31

Uuka aiya tempo'nyomo na dunia oputusi na palakalanyo; uuka aiya anu mongkuasai dunia aiya otua'akonmo.

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

ROMA 1:20

Salatanmo pe'e Tumpu nompotimbali dunia, pikilan nu Tumpu anu madi' otoa-toa, aijo'mo salaku tandanyo Ia aijo' Tumpu tiba kuasa-Nyo anu sampe toka sidu-sidutu', timbalimo nu sumbu' nu mian de montoamo iwi-iwi' apaa na anu pinotimbali-Nyomo. Jadi mian madi' hondo-hondo ko pintoongan da mompototu'u butongnyo.

ROMA 1:22

Aha mongoa'i butong pande, yo aitu aha ponga'.

1 KORINTUS 1:19

Kalana i uno nu Kitab nu Tumpu, Tumpu notataemo, “Kapandean nu mian pande Ku potambuntala'mo ka' anu nusumbu' nu to mia-mian anu ko ilimu' Ku ideimo.”

1 KORINTUS 1:26

To Utu-utus! Soba tutugi mosia na bau-baunyo tempo'nyo Tumpu nolagamo komiu. Ola sangkiding na anu pande itina' hi komiu, kabai ko kuasa, kabai anu ko pangkat matangkas susumo koonyo nu mian.

1 KORINTUS 1:27

Kalana memang tinotonggolakonmo nu Tumpu na nompile'i anu osangka ponga' nu dunia aiya, da to mia-mian pande timbali ma'ambang. Ka' Tumpu suele nompile'imo anu osangka' madi' moko ala nu dunia aiya, da to mia-mian anu mahoson timbali ma'ambang.

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

1 KORINTUS 2:8

Madi' ko samian pe'e na anu mongkuasai tempo' uuka monsumbu' kapandean aijo'. Kalana de sinumbu'mo nu aha, tantu aha madi' nonsalib Tumpu anu ko angga'annyo aijo'.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 3:19

Kalana anu osangka pande nu dunia, aijo' ponga' de Tumpu Allah na montoa. I uno nu Kitab nu Tumpu tinulismo, “Tumpu Allah mohakop to mia-mian pande i kapandean nu aha.”

1 KORINTUS 6:2

Te madi' osumbu' miu, mian anu palesayamo hi Tumpu na momputusi dunia aiya? Jadi, de memang komiu na momputusi dunia aiya, te komiu madi' moko ala mongulus to pala-palakala nu nu putusi nu mian kopian anu madi' ko alati'nyo?

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?