1 KORINTUS 1:17 - KITAB NU TUMPU ALLA LELE MA'IMAI'

¹⁷ I Kristus nonsai aku misa' da mompalamandikan mian, panyo mombebakon Lele Ma'ima' lengkat mae hi Tumpu; ka' saja' mule' kubau madi' mompake susumo kapandean nu mian basisik, da kuasa nu kasilakan i Kristus aita' i kau' salib madi' palasuma.

1 KORINTUS 1:17 ပူးပေါင်းရင်းမြစ်များ

YOHANES 4:1

To mia-mian nu Farisi nohongo i Yesus nohumpak ka' nompalamandikan lebe da'isan molingkudui anu mombatuki Yohanes. (

YOHANES 4:2

Sabenannyo i Yesus madi' nompalamandikan, panyo ola ahi' anu saja' mombatuki Ia.)

SISIKON NU TO RASUL-RASUL 10:48

Sahingga i Petrus nonsai aha da o palamandikan nu sanggo i Yesus Kristus. Ilapas aijo' pinoita nu aha da i Petrus jojoong tiba aha to pia-pian sinaa na kopinnyo.

1 KORINTUS 2:1

To Utu-utus! Tempo'nyo aku tinoka hi komiu ka' nompolele hi komiu mongkona tanga'an nu Tumpu anu ma'isa sinumbu' nu dunia aiya, aku madi' mompake kapandean nu dunia aiya, kabai basisik nu potatae anu toto ima-ima' anu ola momposanang bihing.

1 KORINTUS 2:13

Kalana aijo' de kami montutuhakon hahan mongkona Tumpu hi to mia-mian anu ko Roh nu Tumpu, kami madi' montutuhakon mombatuki kapandean nu mian, panyo mombatuki pokinde' nu Roh nu Tumpu.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 11:6

Ugaat aku madi' talalo pande babisala, panyo mongkona kapandean, aku misa' mian ponga'. Aijo' pinonyata'mo mami hi komiu i uno nu iwi-iwi' na han.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.