YUNU 4:8 - KITABI HABARI MOPIOHE

⁸ Lapatao̒ dulahee malobutu mai, Allahu Taa̒ala lopodungga mai dupotaa mopatu u lohiipo lonto tiimuru. Tei Yunu ngopee̒ bilotoo̒ sababu ilodungaa lotinelo dulahu udebo odelo lomobu longgongio. Tio malowali yiloohi halapani wau ohilaa mate. Ualio mao̒, “Lebe mopiohe watotia mateelo lou̒ tumumulo!”

YUNU 4:8 ပူးပေါင်းရင်းမြစ်များ

ILOOWALI 41:6

Lapatao̒ lobutu mai poli pale pitu lopangge uwewo, u hia̒mutawa wau lohengu lodupoto huta udatahu wau luasi udelita.

BOHULO MONGO OLONGIA 19:4

lapatao̒ to limbuta ode huta datahu wau luasi udelita ngotilonggadu ilo-ilolaanga wau lohuheli to walungo bungo lo ayu tuwau u mohimbungo. Teto tio malo tihuloo̒ wau ohilaa mateelo mao̒. “Watotia diilalo moo̒ tahangi, yaa Eeya,” ualio ode Eeya. Hamaalo nyawa lowatotia. “Watotia diila lebe mopiohe wolo loluuhuru lowatotia!”

BOHULO MONGO OLONGIA 21:4

Wolo hilaa ulee̒lee̒e wau yingoyingo sababu loo̒dungohe wolo uiloi̒ya lei Nabot olio, tei Ahab malo hualingo tulusi lotibalata to tambati lo potuluhelio wolo yili-yili ode u ngopita wau diila lohuto lolamelo.

AYUBA 2:10

Tametao̒ lei Ayuba, “Yio̒ mobisala debo odelo taa mohulode daa̒! Diila pongalo aakali ito bo ohilaa mololimo wolo u mopiohe monto Allahu Taa̒ala, hiambola udiila mopiohe potoulinto?” Oditolio, eleponu tei Ayuba heloo̒ laasa totoonulalo baala boito, bo tio diila helo lapali tataa-heyaalo u moluwali Allahu Taa̒ala.

AYUBA 7:15

Tilinggula watotia lebe ohilaa tingoloo̒lo lapatao̒ mate wolo tumutumulo todelomo batanga polupolu lou̒ suusa botie.

JABURU 121:6

Yio̒ diila tamo ngongoto sababu mato lodulahu tou̒ dulahu, meaalo sababu hulalo tou̒ hui.

JABURU 39:9

Lopataalo mai watotia monto ngoa̒amila dusa lowatotia, diila mao̒ polulia watotia mowali hantia̒ lotaa abaloolo.

TAMOO-HUTUBAWA 7:9

Diila mao̒ polamemeto moonahutu daa̒; bo taa mohulodu tamoo-niyatia.

LAHU MOLAMAHU 1:6

Diila mao̒ poo̒tuota alipuu̒ u moitomo, sababu wau̒ lopobu lotinelo dulahu. Mongo hulanguu̒ loingo olau̒, wau helopoa̒hu olau̒ lokalaja to ilengi lo angguru; wau̒ diila ilowakutu longuulusi batangau̒ lohihilao.

YESAYA 49:10

Timongolio diila tamowali motoa̒ango meaambo polaangolo, wau diila tao̒dungga lolaalabu dulahu tohuta luasi daa̒ wau delita. Sababu Wau̒, tamoomonua olimongolio, mamodelo olimongolio, wau mopodulungo olimongolio ode bubuu-tuwaalo taluhu.

YEHESKIEL 19:12

Bo tio bilunggatio lo uu̒u-luu̒uwaalo talo yingo, lapatao̒ pilomahulio ode huta. Dupoto Tiimuru lohiipo, lopohengu hungolio u mopiohu. Tangolio loboli, lowali lohengu tulusi pilobulio.

HOSEA 13:15

Eleponu Isirai̒lu maa̒amulu debo odelo huo̒yoto u molomiodu, bo Wau̒ mamolao mai dupoto lotiimuru u mopatu monto huta luasi daa̒ u delita. Dupoto boito mamo pohengu totoonulalo butu lotaluhu wau aa̒a-liyaalo tilinggula mamooli ngoa̒amila u ohalaga.

IMAAMATI 10:3

Lapatao̒ tei Musa loloi̒ya mao̒ odelei Haruna, “Ui-uitolo u milakusudu lo Eeya tou̒ Eeya lotahuda mai, ‘Ngoa̒amila tamomaya ola-U̒ musi mohulumati omantali-U̒. Wau̒ mamopo ilaalo mai ololamahu-U̒ ode ngoilanggubu bangusaa-U̒.’ ” Bo tei Haruna wambao̒ lotipoo̒yo.

YUNU 1:17

Tou̒ boito Eeya lopodungga mai tola leidaa̒ tuwau u loololoolao̒ olei Yunu. Yi tei Yunu malo tibiluloa̒ todelomo ombongo tola boito ngotilonggadu tolo hui wau otolu dulahu.

YUNU 1:4

Tei Yunu lolaahe mola ode tambati u towalungio daa̒ wau malo tibalata teto, tulusi leinuloto daa̒. Lapatao̒ Eeya lopodungga mai dupoto huloyongo ode yitaato kaapali, tulusi lotoduolo mola dutalo ulaba-labaalo, ulopo baleango kaapali boito tilinggula ngopee̒ loa̒ahumu. Tahi pokalajawa to kaapali mailoohe daa̒ wau hiwuwa-wuwaatia̒ mei̒ tulungi, ngota-ngota ode dewalio lohihilao. U mopo kuulangi topotala bolo moa̒ahumo, timongolio malolapi detohu kaapali boito ode delomo deheto.

YUNU 4:3

Botia, yaa Eeya, huliaalo mai watotia mateelo wambao̒, sababu lebe mopioheo̒ watotia mateelo lou̒ tumumulo.”

YUNU 4:9

Bo Allahu Taa̒ala lotahuda mai olio, “Yio̒ diila paatuti mowali suukali odito sababu pilomulo boito!” Tuaheeo̒ lei Yunu, “Yilongola diila? Mapaatutilio watotia moingo daa̒ tunggula mate.”

MATIUSI 20:12

‘Tahi pokalajawa talonao̒ mai pulitio boito bo helo kalaja ngojamu. Hiambola amiaatia helo kalaja dulahio tuwau topatu daa̒ lodulahu, boti Tuani malo mayali olimongolio tutuuwauwa wolamiaatia!’

WAHI 3:19

Tau-tauwalo tapilonu-U̒ mai, timongoliolo tadiniyo-U̒ wau tabuboa̒a-U̒. Sababu uito mamusi timongoli osumangati, wau polilihulo monto duduusaamu.

WAHI 7:16

Timongolio diilalo moo̒laasa polangolo meaalo mototoa̒ngo; mato lodulahu meaalo patulio uhinta-hintalabu diilalo moo̒pobu olimongolio,

BOHULO SEMUEL 3:18

Lapatao̒ tei Semuel lopoo̒taa mao̒ ngoa̒amilalo boito odelei Eli. Diaaluo penu boli tuwau mao̒ u hiluliilio. Lapatao̒ malo loi̒ya tei Eli, “Tio Eeya, huliaalo mao̒ Eeya mopohutu mai wolo u anggapuo-Lio mopiohe.”