YUNU 4:2 - KITABI HABARI MOPIOHE

² Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

YUNU 4:2 ပူးပေါင်းရင်းမြစ်များ

BOHULO MONGO OLONGIA 19:4

lapatao̒ to limbuta ode huta datahu wau luasi udelita ngotilonggadu ilo-ilolaanga wau lohuheli to walungo bungo lo ayu tuwau u mohimbungo. Teto tio malo tihuloo̒ wau ohilaa mateelo mao̒. “Watotia diilalo moo̒ tahangi, yaa Eeya,” ualio ode Eeya. Hamaalo nyawa lowatotia. “Watotia diila lebe mopiohe wolo loluuhuru lowatotia!”

JABURU 103:8

Sababu Eeya tamoomonua wau tamoo-tolia̒ngoa, Eeya diila opulita lo sabali wau ponu-Lio diila o eenggadelio.

JABURU 145:8

Eeya boito tamoo-monua wau tamoo-tolia̒ngowa, moboyu momuluka wau laito momonu.

JABURU 78:38

Bo Allahu Taa̒ala lomonu wau helo ngambungu umati-Lio, wau diila helo pobinasa olimongolio. Pipiiu̒wa Eeya helo ngotonga omuluka lo Eeya, wau diila helo pomukaa̒i omuluka lo Eeya.

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 86:5

Eeya mopiohu, yaa Eeya, wau ohilaa mongambungu, taa u hemodua̒ mola to Eeya debo ponuo mai lo Eeya wolo ponu u diilalo o eenggadelio.

JABURU 90:13

Yaa Eeya, tunggula omolua Eeya muluka? Pohualingolo mai wau ponualo mongo wato lo Eeya.

PILOTIMUA̒TA 32:14

Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

YEREMIA 18:8

lapatao̒ bangusa boito molilihu monto dusalio, yi Wau̒ mamopo lohudu niyati-U̒ boito.

YEREMIA 20:7

Yaa Eeya, Eeya lomiyo olo watotia wau watotia mai̒lo piyowa. Eeya lebe molotolo wolo watotia wau malo potaa̒aluku olo watotia. Watotia hilenteo̒ lo timii̒du tau, hilinaalio monto dimodupo demola lolaango.

YEREMIA 26:13

Sababu uito lomelaalo dudelo tutumuli mongoli wau ngoa̒amila huhutu limongoli; podungohulo to Eeya Allahu Taa̒ala limongoli, alihu Eeya mopolodu mai niyaati-Lio u mopo topotala olimongoli.

YEREMIA 42:10

‘Wonu timongoli mohuto debo motibiluloa̒ tolipu botie, Wau̒ mamomintaa̒ olimongoli, diila mopodehu; Wau̒ mamopo tihula olimongoli, diila mopolohubu. Wau̒ siluukali daa̒ sababu malo podungga mai topotala olimongoli.

AMOS 7:3

Eeya lolomelao̒ patujuu-Lio wau lotahuda mai, “U iloontongamu boito diila tamotoduo mai.”

AMOS 7:6

Eeya luli lolomelao̒ patujuu-Lio wau lotahuda, “Utie olo diila tamotoduo mai.”

YUNU 1:3

Bo tei Yunu tumbao̒ malo monggata ode dulungo wewo u lopolahi batanga lonto Eeya. Tio lonao̒ ode Yopa, wau leitaahua loo̒dungga mota kaapali u mamobite ode Spanyol. Lapatao̒ tio lomaayali mao̒ oonggosi lo naonao̒olio tio lobotula mola ode kaapali, tulusi tio lobite pee̒-pee̒enta wolo tahi pokalajawa to kaapali ode Spanyol, u mopolahi batanga monto Eeya.

YUNU 3:10

Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

YUNU 3:9

Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

LUKASI 10:29

Bo guru lo agama boito ohilaa mopobanali batangalio. Tio lohintu mao̒, “Tatoonu timongota lowatia boito?”

TINGULI 4:31

Eeya Allahu Taa̒ala limongoli yito Allahu Taa̒ala talaba-labaalo odehu hilao. Tio diila tamololaa mao̒ meaalo mopobinasa olimongoli, meaalo molipata daantia u pilohutu-Lio lohihilao wolo loluuhuru limongoli.