YUNU 3:9 - KITABI HABARI MOPIOHE

⁹ Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

YUNU 3:9 ပူးပေါင်းရင်းမြစ်များ

OLUO LO SAMUEL 12:22

“Ooo̒,” tametao̒ lei Dauda, “memangi wau̒ helo puasa wau hilumoyongo tou̒ walao̒ boito donggo tumutumulo sababu to pikiilangiu̒ mola: Tanu Eeya mamomonu mai olau̒ wau mokahandaki walao̒ boito tumumulai.

JABURU 106:45

Domi timongolio Eeya loe̒elai daantia-Lio wau lodehu hilao olimongolio sababu ponu lo Eeya u udaa̒.

JABURU 85:3

Eeya malo ngambungu mai duduu-sawaalo umati lo Eeya; hemilaa̒apu lo Eeya totoonulalo totalaalio.

JABURU 90:13

Yaa Eeya, tunggula omolua Eeya muluka? Pohualingolo mai wau ponualo mongo wato lo Eeya.

YEREMIA 26:13

Sababu uito lomelaalo dudelo tutumuli mongoli wau ngoa̒amila huhutu limongoli; podungohulo to Eeya Allahu Taa̒ala limongoli, alihu Eeya mopolodu mai niyaati-Lio u mopo topotala olimongoli.

DANIALI 4:27

Sababu uito wajibulio ti Tuani lo watotia modudua̒ nasehati lo watotia. Diilalo mao̒ pohutu dusa, bo pohutua mao̒ wolo mopiohe wau aadili, wau tolia̒ngi mao̒ taa mosikini. Lou̒ odito ti Tuani lo watotia maadebo sanangi tutu.”

AMOS 5:15

Lonui̒ilo u moleeto wau tolia̒ngiilo u mopiohe, wau potihulaalo u aadili. Otanu Eeya modehu hilao totau-totauwalo tahe ilolabita monto bangusa lo Isirai̒lu.

YUNU 1:15

Lapatao̒ timongolio lopomahula mola olei Yunu ode delomo deheto. Yi dutalo boito malo huheli lolilau mai.

YUNU 1:6

Tou̒ nakoda lokaapali boito lolaahe mola ode walungo, ilodunggalio tei Yunu mota teto donggo tuutuluhu. Lapatao̒ tio loloi̒ya mao̒, “Diila pongalo aakali yio̒ mowali motuluhe todelomo owowoluwoa odie botie! Ntali, pobungulo! Podua̒alo mao̒ ode dewaamu u mei̒ tulungi mai. Potaala tio mamodehu hilao to olanto tilinggula ito diila binaasa.”

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

JEPANYA 2:3

Muli pohualingolo ode Eeya, wuu ngoa̒amila taa u dupadupapa lohilao to lipu botie, wau ngoa̒amila taa u modungohe totoonulalo palentaa-Lio. Pohutua mao̒ modudua̒ kahandaki lo Eeya, wau podupapaalo batangamu totalu-Lio. Otanu timongoli mamoo̒lahi monto polo hukuumani todulahu Eeya mopoi̒laalo mai omulukaa-Lio.

BOHULO SEMUEL 6:5

Oditolio, timongoli musi mohutu mao̒ tiruuwani monto himunggu-munggula wau monto udu u donggo hemongamo to lipumu. Lou̒ odito timongoli mongohi hurumati ode Allahu Taa̒ala lo Isirai̒lu. Otanu Tio mamohuheli mohukuumani mai olimongoli, wau dedee-waalo wau huta limongoli.