YUNU 3:8 - KITABI HABARI MOPIOHE

⁸ Manusia wau binatangi musi momake kaingi yute. Odelo tuoto lou̒ pololee̒e yi ngoa̒amila tau musi modua̒ mola wolo otu-otutuulo mao̒ ode Allahu Taa̒ala. Timongolio musi mopoo̒ pioheo̒ pii̒liilio u moleeto wau huhutuulio u polupolu lodusa.

YUNU 3:8 ပူးပေါင်းရင်းမြစ်များ

AYUBA 16:17

Bo wau̒ diila helohutu udiila omanusia; loi̒laalo tuulusilo mola dua̒au̒ ode Eeya.

AYUBA 36:10

Ilahulalio timongolio modungohe u piloe̒ela-Lio mai wau mololaa mao̒ ololeeti mongolio.

YESAYA 58:6

Uti-utieelo puasa u kahandakiyo-U̒: Lopataalo pingito lo polodeehe wau banta u diila aadili, wau lopataalo tau-tauwalo tahideehea.

YEREMIA 18:11

Eeya lotahuda mai olaatia, “Botia, poleleaalo ode tau-tauwalo Yehuda wau ulipu lo Yerusalemu deu̒ Wau̒ donggo hemohutu lanjana u moluwali olimongolio, wau donggo hemopo dapato hukuumani ode limongolio. Ahuliilo timongolio mopohuheli dudelo tutumuli mongolio u odusa boito boli mopoo̒piohe pii̒li wau huhutu limongolio.

YEREMIA 25:5

Timongolio helo poa̒hu olimongoli mololaa dudelo tutumuli mongoli u moleeto, wau ngoa̒amila huhutu u odusa, alihu timongoli debo mowali motibiluloa̒ tolipu botie u mailohi mai lo Eeya ode limongoli wau ode loluuhuru limongoli odelo miliki pusaka.

YEREMIA 26:3

Tanu bangusa boito mohuto modungoheo̒, tulusi mohuheli mohutu u moleeto, tilinggula Wau̒ diila mopomata niyaati-U̒ u mopo topotala olimongolio motuuu̒de wolo huhutu limongolio u moleeto.”

YEREMIA 36:3

Tanu taulo Yehuda mamohuheli mohutu u moleeto wonu bolo timongolio moo̒dungohe pasali lo ngoa̒amila baala u mapodunggaa-U̒ ode limongolio.”

YEHESKIEL 33:11

Polelea mao̒ olimongolio deu̒ domi Wau̒, Allahu Taa̒ala tatumu-tumulo, Eeya Taa Laba-labaalo Molanggato, Wau̒ diila sanangi wonu taa moleeto mate; bolii̒o mao̒ Wau̒ motohilaa tio mololaa mao̒ duduu-saalio alihu tio debo tumutumulo. Wuu bangusa lo Isirai̒lu, pohuhelilo mohutu u moleeto! Yilongola timongoli ohilaa mate?

DANIALI 4:27

Sababu uito wajibulio ti Tuani lo watotia modudua̒ nasehati lo watotia. Diilalo mao̒ pohutu dusa, bo pohutua mao̒ wolo mopiohe wau aadili, wau tolia̒ngi mao̒ taa mosikini. Lou̒ odito ti Tuani lo watotia maadebo sanangi tutu.”

YOEL 1:14

Palentai mao̒ umatimu u mopuasa, pomala-lumualo mola dudunggaya li olongia! Toduwaalo mai mongo tau̒wa wau mongo panggola wau ngoa̒amila ulipu lo Yehuda, alihu monao̒ mai ode Bele lo Allahu Taa̒ala, u mongiibode mola mei̒ tulungi mai o-Lio.

YUNU 1:14

Sababu uito timongolio longiibode mola ode Eeya, “Yaa Eeya, mongowatotia momolohone, diila mao̒ binasawa mai mongowatotia sababu mohama nyawa lotaa udiila lohutu totala penu boli wolo ode mongowatotia. Yaa Eeya, Eeya malohutu mai wolo u kilahandaki lo Eeya.”

YUNU 1:6

Tou̒ nakoda lokaapali boito lolaahe mola ode walungo, ilodunggalio tei Yunu mota teto donggo tuutuluhu. Lapatao̒ tio loloi̒ya mao̒, “Diila pongalo aakali yio̒ mowali motuluhe todelomo owowoluwoa odie botie! Ntali, pobungulo! Podua̒alo mao̒ ode dewaamu u mei̒ tulungi mai. Potaala tio mamodehu hilao to olanto tilinggula ito diila binaasa.”

MATIUSI 3:8

Pobilohe mao̒ wolo huhutuumu deu̒ timongoli malo lilihu lonto duduu-sawaalo limongoli.

WUNGGULI LOMONGO RASULU 26:20

Wolo juujulu watia helo poo̒taa ode tau-tauwalo deu̒ timongolio musi molilihu monto duduu-sawaalo limongolio wau mohudu mola batanga limongolio ode Allahu Taa̒ala wau mopo biloheo̒ todelomo tutumuli mongolio deu̒ timongolio malo lilihu lonto duduu-sawaalo limongolio. Watia helo poo̒taa sua̒li boito bohulio mai to Damusiki, lapatao̒ to Yerusalemu wau to ngoilanggubu Yudea wau towolota lotau-tauwalo tadiila Yahudi.

WUNGGULI LOMONGO RASULU 3:19

Masababu uito Mongo wutato, polilihulo monto duduu-sawaalo limongoli, wau pohualingolo ode Allahu Taa̒ala, alihu Tio moluluto duduu-sawaalo limongoli.

WAHI 11:3

Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”