YUNU 3:6 - KITABI HABARI MOPIOHE

⁶ Tou̒ ti olongia lo Niniwe loo̒dungohe habari boito, tio hua̒a lolaahu lonto yilaidiaalio. Yilopatio jumba lo Yilaidiaalio wau lomake kaingi yute, tulusi tio lotihuloa̒ toitaato peaahuo̒.

YUNU 3:6 ပူးပေါင်းရင်းမြစ်များ

BOHULO MONGO OLONGIA 21:27

Lapatao̒ tei Elia yilapato lobisala, tei Ahab malo ngaidinga pakeyangilio wau lomake mao̒ kaingi kado odelo tuoto ololee̒lio, lapatao̒ lopuasa. Penu boli motuluhe olo tio helomake kaingi kado, wau wonu monao̒, bayalio wunu-wunula tulusi.

AYUBA 2:8

Lapatao̒ tei Ayuba lotihuloa̒ totili huntua lo puputo, wau lohama poo̒ lo ulongo u longahu-ngahu wawai̒o.

AYUBA 42:6

Masababu uito watotia moolito moe̒ela mola totoonulalo loi̒ya lowatotia wau wolo lolee̒ watotia helo tihuloa̒a to peaahuo̒ wau wahu.”

YESAYA 15:3

Tau-tauwala todalalo momake kaingi yute tuoto limilimi; tau mohilimuta wau humoyonga to tanalapa wau towatopo bele.

YEREMIA 13:18

Eeya lotahuda mai odelaatia, “Ahuli mao̒ ti olongia wau tiilo li olongia molaahu monto tambati huhuloa̒lio li olongia, sababu makutalio u gaaga malodehu lonto lunggongio.

YEREMIA 36:13

Tei Mikhaya lopoo̒taa mao̒ ode limongolio, ngoa̒amila u pilobaca lei Barukh to Bele lo Eeya.

YEREMIA 36:24

Eleponu tei Elnatan, Delaya, wau tei Gemarya helo molohone daa̒ alihu ti olongia diila mao̒ momobu lilibu buku boito, tio debo diila lohuto lodungohe olimongolio. Mopio ti olongia boli tahidihuma pantungo lo pamalenta taloo̒ dungohe tuango buku boito diila lowali yiloohe meaalo lopobilohe ololee̒e limongolio.

YEREMIA 6:26

Eeya lotahuda mai to umati-Lio, “Pomakea mao̒ kaingi kado wau potiilili-liliidulo todelomo peaahuo̒. Potilimilo mola wau hiyongolo wolo suukali lohilao debo odelo talo hiyongao̒ ilopatea lo walai̒o u bo tuwau, sababu tamoo-pobinasawa debolo mamoluhu mai olimongoli.”

HIYONGO MOPOILAALO SUUSA 2:10

Mongo panggola lokota hulo-huloa̒a hipoo̒yonga tohuta; timongolio hemo pomua̒ayade peaahuo̒ toitaato lunggongo, wau lomake kaingi yute tuotio ilopatea. Mongo dulahu olo lotidungu demola huta.

HIYONGO MOPOILAALO SUUSA 3:29

Huliilo mao̒ ito mopodupapa batanga wau taa̒aluku, sababu otanu halapani donggo woluo.

YEHESKIEL 26:16

Moo̒onto paladumu, mongo olongia monto babaa-ngusawalo tobiihu deheto matimihulo monto tambati huhuloa̒ li olongia, mohinggi jumba odudaa̒ wau boo̒ limongolio u okalawo, lapatao̒ motihuloo̒ hulu-huluhelio tohuta. Timongolio mamoohe daa̒ tilinggula diila moo̒ duo̒oto.

DANIALI 9:3

Lapatao̒ malodua̒ mola watia lou̒ tio̒otutua ode Eeya Allahu Taa̒ala, wau lomohone odehu hilaa-Lio. Watia olo helopuasa wau lomake kaingi kado wau lotihuloa̒ toitaato peaahuo̒.

MIKHA 1:10

Diila mao̒ poo̒taa ode mumuu-suunto to Gat pasali lo baalaanto; diila mao̒ polulia timongolio moo̒onto olimongoli hiyo-hiyoongo. Wuu ulipu lo Bet-Le-Apra, potililidulo mola todelomo peaahuo̒ odelo tuoto lopulito halapani!

MATIUSI 11:21

“Matopotala timongoli, Korajim! Wau matopotala olo timongoli, Betsaida! Humayaalio totoonulalo moo̒linggolabu u pilohutu tohuungi mongoli mapilohutu to Tirus wau Sidon, yi tantu tau-tauwalo mola teto malohiheo lolilihu lonto duduu-sawaalo limongolio wau helomake boo̒ lomilate wau helo podutu peaahuo̒ to lunggongi mongolio.

LUKASI 10:13

“Matopotala timongoli, Korajim! Wau matopotala timongoli, Betsaida! Humayaalio mamoo̒o-linggolabeyalo u pilohutu tohuungi mongoli boito mapilohutu tokota Tirus wau Sidon, matantu tau-tauwalo mola teto malohiheo lolilihu to duduu-sawaalo limongolio, wau momake boo̒ motilimi wau mopodutu peyahuo̒ to lunggongi mongolio.