YUNU 3:5 - KITABI HABARI MOPIOHE

⁵ Ulipu lo Niniwe palacaya totahuli lo Allahu Taa̒ala boito. Ngoa̒amila ulipu malolantu u mopuasa, wau ngoa̒amila tau, mopio udaa meaambo kikiio̒, helomake kaingi yute u mopobiloheo̒ deu̒ timongolio malolee̒e to duduu-sawaalo limongolio.

YUNU 3:5 ပူးပေါင်းရင်းမြစ်များ

OLUO MONGO OLONGIA 19:1

Tou̒ ti Olongia Hiskia loo̒dungohe podulohu lo tatoulota boito, tio malo ngaidinga pakeyangilio wau lomake kaingi kado tuotio siluukali lohilao, lapatao̒ lonao̒ mota ode Bele lo Eeya.

OLUO TAWARI 20:3

Tei Yosapat mailoohe tulusi tio lodua̒ mola lohile potuhata lonto Eeya. Lapatao̒ tio helo malentao̒ alihu ngoilanggubu ulipu mopuasa mola.

ESRA 8:21

Lapatao̒ tobiihu Dutulaa Ahawa boito wau̒ helo pomalalumu mola deu̒ ngoa̒amila musi mopuasa wau motidupapa batanga totalu lo Allahu Taa̒ala. Ami helodua̒ mola alihu Allahu Taa̒ala modelo olami todelomo nonao̒ boito, wau moduo̒lai olami, mongo walao̒ lami, wau totoonulalo miliki lami.

ESTERI 4:1

Tou̒ tei Mordekhai loo̒dungohe wolo u malo toduo mai, tio longaidinga pakeyangilio wau lomake kaingi kado odelo tuotio siluukali. Tio lopomua̒yade peyahuo̒ to lunggongio, tulusi lolontale di kota sambela hiyo-hiyonga daa̒ wau piilu.

YEREMIA 31:34

Diilalo palalu penu boli ngotaa mao̒ monto olimongolio mongaajali timongotalio u motota to Eeya. Sababu timongolio ngoa̒amila, kikiio̒ udaa̒, mamotota ola-U̒. Ngoa̒amila totala limongolio malipato-U̒, duduu-sawaalo limongolio maa̒mbunguo-U̒. Wau̒, Eeya, malo tahuda mai.”

YEREMIA 36:9

To hulalo otiolio taunu olimolio pamalenta lei Yoyakim olongia lo Yehuda, ulipu helo puasa u moo̒tapu mai odehu hilao monto Eeya. Ulipu wau tau-tauwalo talonao mai lonto kokoo-tawaalo Yehuda, ngoa̒amilalo helo puasa.

YEREMIA 42:1

Lapatao̒ uito ngoa̒amila tau, kikiio̒ wau udaa̒, pee̒-pee̒enta wolo mongo polowila, leituwoto tei Yobanan walae̒e Kareah wolei Ajarya walae̒e Hasaya lonao̒ mai

YEREMIA 42:8

Yi watia lotiangai olei Yohanan wolo mongo polowilalio wau ngoa̒amila taa wewo talonao̒ mai pee̒-pee̒enta wolio.

DANIALI 9:3

Lapatao̒ malodua̒ mola watia lou̒ tio̒otutua ode Eeya Allahu Taa̒ala, wau lomohone odehu hilaa-Lio. Watia olo helopuasa wau lomake kaingi kado wau lotihuloa̒ toitaato peaahuo̒.

YOEL 1:14

Palentai mao̒ umatimu u mopuasa, pomala-lumualo mola dudunggaya li olongia! Toduwaalo mai mongo tau̒wa wau mongo panggola wau ngoa̒amila ulipu lo Yehuda, alihu monao̒ mai ode Bele lo Allahu Taa̒ala, u mongiibode mola mei̒ tulungi mai o-Lio.

YUNU 3:7

Tio olo lopololadeo̒ lo poo̒taa botie, “Palenta botie pilopolualio to Niniwe wau to putuusani li olongia wau mongo mantili: Ngoa̒amila tau, sapi, himba wau bibiahe wewolio dilini mongaa wau mongilu.

MATIUSI 12:41

To Dulahu Kiama, tuango lipu lo Niniwe mamobongu mai pee̒-pee̒enta wolo tau-tauwalo tojamani botie wau mamopo tuludu olimongolio. Sababu tau-tauwalo Niniwe boito malo lilihu lonto dusa limongolio, tou̒ tei Yunu lohutuba to limongolio. Bo teea botia woluo talebe udaa̒ mao̒ wolei Yunu!

LUKASI 11:32

Todulahu kiama, tuango lipu lo Niniwe mamobongu pee̒-pee̒enta wolo tau-tauwalo tojamani botie, wau mopotuludu olimongolio, sababu taulo Niniwe boito lolilihu to duduu-sawaalo limongolio tou̒ tei Yunu lohutuba to limongolio. Bo teea botia woluo talebe udaa̒ wolei Yunu!”

WUNGGULI LOMONGO RASULU 27:25

Masababu uito, Mongo wutato, wajibulio wutato mopou̒daa̒ mola lohilao! Sababu watia palacaya to Allahu Taa̒ala deu̒ ngoa̒amilalo mamotoduo mai debo odelo umapilo tahuda-Lio olaatia.

WUNGGULI LOMONGO RASULU 8:10

Yi ngoa̒amila taa tokota boito lonto ngoa̒amila wolude lo ulipu hemo poo̒tuoto daa̒ olio. “Tau botie yito olootolo Allahu Taa̒ala u otaawa lotaa dadaata odelo ‘Olootolo Daa̒’ boito,” uali mongolio.

IBRANI 11:1

O iimani boliilio mao̒ yakini tio̒otutua to susuu-aliyaalo uhe halapuwolo, boliilio o tantuulio to susuu-aliyaalo udiila oontonga.

IBRANI 11:7

Sababu o iimani, yi tei Noho piloo̒taa lo Allahu Taa̒ala pasali lo susuu-aliyalo u mamotoduo mai lapatio mao̒, udiila mowali oontongalio. Tei Noho lodungohe to Allahu Taa̒ala tilinggula tio lohutu kapali tuwau u lapatio mao̒ loilaalo lopoa̒ahu batangalio wolo ngaalaa̒lio. Lou̒ odito dunia hilukuumani, hiambola tei Noho lohihilao sababu iimanilio piloilaalo lo Allahu Taa̒ala odelo taa mopiohe.

WAHI 11:3

Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”