YUNU 3:4 - KITABI HABARI MOPIOHE

⁴ Tei Yunu tilumuwota ode kota boito lapatao̒ lojalena ngotupa lodulahu, tio lolumula lohutuba, ualio mola, “Donggo wopato pulu hui mola, Ninwie mamoa̒ntulu!”

YUNU 3:4 ပူးပေါင်းရင်းမြစ်များ

OLUO MONGO OLONGIA 20:1

Tou̒ wakutu boito ti Olongia Hiskia ilodungga lobohe u tiluhua daa̒ tilinggula ngopee̒ yilate. Ti Nabi Yeasaya walae̒e Amos mota lomilohe olio wau loloi̒ya mao̒, “Eeya lolahuli mai alihu ti Baginda mopobelesi mao̒ ngoa̒amila uruusani, sababu ti Baginda diila tamoluli. Diilalo mohiheo ti Bagindaa mamaate.”

OLUO MONGO OLONGIA 20:6

Wau̒ mamuli moduhengai umulumu mopulaa limo lotaunu mola. Yio̒ wau kota Yerusalemu malopato-U̒ monto oli olongia lo Asyur. Kota botie maduo̒la-U̒ mai domi ohurumati-U̒ lohihilao wau domi daantia-U̒ wolei Dauda wato-U̒.”

YESAYA 30:18

Eleponu odito, Eeya helohima saaa̒tilio u mopobilohei odehu hilaa-Lio olimongoli. Eeya dapadapato u momonu mai olimongoli. Sababu Eeya yito Allahu Taa̒ala tamopohutu wolo u tuhaata. Potisanangilo tutu taa u motiwunela to Eeya.

YEREMIA 42:10

‘Wonu timongoli mohuto debo motibiluloa̒ tolipu botie, Wau̒ mamomintaa̒ olimongoli, diila mopodehu; Wau̒ mamopo tihula olimongoli, diila mopolohubu. Wau̒ siluukali daa̒ sababu malo podungga mai topotala olimongoli.

YUNU 3:10

Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

MATIUSI 12:41

To Dulahu Kiama, tuango lipu lo Niniwe mamobongu mai pee̒-pee̒enta wolo tau-tauwalo tojamani botie wau mamopo tuludu olimongolio. Sababu tau-tauwalo Niniwe boito malo lilihu lonto dusa limongolio, tou̒ tei Yunu lohutuba to limongolio. Bo teea botia woluo talebe udaa̒ mao̒ wolei Yunu!

LUKASI 11:30

Odelo woloolo mola ti Nabi Yunu tuwaulio u moo̒linggolabe totau-tauwalo kota to Niniwe, odito olo Walao̒ Manusia mamowali tuwaulio lo moo̒linggolabe totau-tauwala tojamani botie.

LUKASI 11:32

Todulahu kiama, tuango lipu lo Niniwe mamobongu pee̒-pee̒enta wolo tau-tauwalo tojamani botie, wau mopotuludu olimongolio, sababu taulo Niniwe boito lolilihu to duduu-sawaalo limongolio tou̒ tei Yunu lohutuba to limongolio. Bo teea botia woluo talebe udaa̒ wolei Yunu!”

TINGULI 18:22

Wonu ngotaalio lonabi mobisala to tanggulo Eeya, bo wolo u yiloiyaalio boito diila lotoduo mai, yi laamali boito diila lonto Eeya. Nabi boito bo lobisala to tanggulio lohihilao wau timongoli diila mao̒ oohe to olio.”