YUNU 3:10 - KITABI HABARI MOPIOHE

¹⁰ Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

YUNU 3:10 ပူးပေါင်းရင်းမြစ်များ

BOHULO TAWARI 21:15

Lapatao̒ Eeya lolao mai ngotaalio lo malai̒kati u lopobinasa Yerusalemu. Bo tou̒ malai̒kati boito malei dungga mota totili lo polumbetaa̒lo pale haku lei Arauna taulo Yebus, Eeya lolomela putuusani-Lio u mohukuumani bangusa boito. Eeya lotahuda ode malai̒kati boito, “Totoonggade! Pohuhelilo!”

PILOTIMUA̒TA 32:14

Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

POHUMAYA 28:13

Tatoonu tamoluuo̒ dusalio diila tau̒untungi. Tatoonu tamongaku wau mololaa mao̒ dusalio, maponuo lo Eeya.

YESAYA 30:18

Eleponu odito, Eeya helohima saaa̒tilio u mopobilohei odehu hilaa-Lio olimongoli. Eeya dapadapato u momonu mai olimongoli. Sababu Eeya yito Allahu Taa̒ala tamopohutu wolo u tuhaata. Potisanangilo tutu taa u motiwunela to Eeya.

YEREMIA 18:7

Wonu tou̒ wakutu tuwau Wau̒ molantu u momantanga, mopobinasa wau mongantulu bangusa tuwau wau bele biluloa̒ saaha li olongia,

YEREMIA 18:8

lapatao̒ bangusa boito molilihu monto dusalio, yi Wau̒ mamopo lohudu niyati-U̒ boito.

YEREMIA 36:3

Tanu taulo Yehuda mamohuheli mohutu u moleeto wonu bolo timongolio moo̒dungohe pasali lo ngoa̒amila baala u mapodunggaa-U̒ ode limongolio.”

YEREMIA 42:10

‘Wonu timongoli mohuto debo motibiluloa̒ tolipu botie, Wau̒ mamomintaa̒ olimongoli, diila mopodehu; Wau̒ mamopo tihula olimongoli, diila mopolohubu. Wau̒ siluukali daa̒ sababu malo podungga mai topotala olimongoli.

YOEL 2:13

Antangaalo hilaamu wau diila pakeyangimu.” Pomalingolo ode Eeya Allahu Taa̒alamu. Tio sabali diila o enggadelio wau tamoomonua muura lohilao wau lealeaatu lo odehu hilao. Sanangi mongambungu wau diila mohuto moponao̒ lo hukuumani.

AMOS 7:3

Eeya lolomelao̒ patujuu-Lio wau lotahuda mai, “U iloontongamu boito diila tamotoduo mai.”

AMOS 7:6

Eeya luli lolomelao̒ patujuu-Lio wau lotahuda, “Utie olo diila tamotoduo mai.”

YUNU 4:11

Diila pongalo aakali Wau̒ diila tasuukali lohilao momikiilangi Niniwe, kota uleidaa̒ boito. Sababu ngopohia bibii-natangilio udiila oyia̒apa boito, mota teto olo lebe lou̒ ngohetuto dulo pulu lolihu lota tau̒kekeei̒ tadiipo moo̒ pohiihede wolo u mopiohe wolo u moleeto.”

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

LUKASI 11:32

Todulahu kiama, tuango lipu lo Niniwe mamobongu pee̒-pee̒enta wolo tau-tauwalo tojamani botie, wau mopotuludu olimongolio, sababu taulo Niniwe boito lolilihu to duduu-sawaalo limongolio tou̒ tei Yunu lohutuba to limongolio. Bo teea botia woluo talebe udaa̒ wolei Yunu!”

LUKASI 15:20

Yi lomonggatolo tio lohualinga odeli paapalio. Donggo molamingo monto bele, tio mai̒loontonga lipaapalio. Lou̒ lodehu daa̒ hilaa lipaapalio tilumetea̒ mota lodunggaya wolio, tulusi longoo̒de wau lodiilo olio.