YUNU 2:6 - KITABI HABARI MOPIOHE

^6-7 Watotia lotitidehu demola wumbato hihui̒-hui̒dea, ode aalamu u hulubangilio unti-unti demola pulito lojamani. Nyawa lo watotia moongolo molulupuhu todelomo batanga lo watotia, lapatao̒ watotia loe̒ela mola wau longiibode to Eeya. Yi malei dungga mola dua̒ lowatotia to Eeya, ode delomo Bele lo Eeya u mantali. Lapatao̒ bilotulai lo Eeya watotia lonto delomo deheto, yaa Eeya Allahu Taa̒ala lowatotia!

YUNU 2:6 ပူးပေါင်းရင်းမြစ်များ

AYUBA 33:24

Wolo odehu hilao malai̒kati boito mamoloi̒ya, ‘Lopataalo tio, diila mowali tio molaahe mola ode dunia lotaa yilate. Uti-utieelo doi potoloto, alihu tio muli molopato.’

AYUBA 33:28

Allahu Taa̒ala longabuta olau̒ lonao̒ ode dunia lotaa yilate, tilinggula wau̒ donggo tumutumulo botia.

JABURU 104:6

Eeya lohenggubei wolo auhe daa̒, taluhio loo̒olomo babaali-tutuo̒walo hihui̒-hui̒dea.

JABURU 104:8

Taluhee tilumolohu lolibaya huhuu-ideyaalo ode delomo lumbaya, ode tambati u pilopo dapato lo Eeya ode taluhu.

JABURU 116:3

Watia ilaanjamu baala lomautu; otihela hapato lomautu loluhu olaatia, helohutu olaatia balisa wau yiloohe.

JABURU 143:7

Tametilo mai watotia wolo molamemeto yaa Eeya, sababu watotia mailoolia lo halaapani. Diila mao̒ potituuo̒ monto watotia, alihu watotia diila mao̒ debo odelo tamalo tuhuta mola ode aalamu lomautu.

JABURU 16:10

Sababu Eeya diila lopoluli mai watotia yilate; taa u pilonua lo Eeya diila piloluli lo Eeya binasa.

JABURU 18:5

Watotia pilalita baala lo mautu heilomo taluhee daa̒ lo obobinasa.

JABURU 30:3

Eeya Allahu Taa̒ala lowatotia, watotia longiibode mola to Eeya lei̒ tuulungi, wau Eeya lopoo̒luli mai olo watotia.

JABURU 30:9

To Eeya, yaa Eeya, watotia mongiibode, to Eeya watotia momolohone,

JABURU 55:23

Wuduwalo mola ololawalumu ode Eeya, yi Eeya mamotulungi mai olemu; sababu taa juujulu diila poluli lo Eeya olaahelio.

JABURU 65:6

Eeya lolametai olamiaatia wolo longohi mai olamiaatia ohohaama, hepilohutu mai lo Eeya susuu-aliyaalo moo̒linggolabe u mopoa̒ahu olamiaatia! Eeyaalo halaapani lo ngoa̒amila bangusa demola deheto u molamingo.

JABURU 69:2

Poa̒ahuwalo mai watotia, yaa Allahu Taa̒ala, sababu taluhu malo botula demai buloo̒ lowatotia.

YESAYA 38:10

“Loi̒yaau̒, boheli ngotayade duluo umulu wau̒ musi mohualingo, mopoo̒pulito labito tutumuluu̒ todunia lotaa mate.

YESAYA 38:17

Osuukali lohilao lowatotia mamolomelo mowali aamani, Eeya lopoa̒ahu mai olo watotia lonto topotala; duduu-sawaalo watotia maa ilambungu lo Eeya ngoa̒amilalo.

YESAYA 40:12

Tatoonu tamoluu̒de auhe daa̒ wolo koungo uluu̒lio, meaambo moluu̒de dulente daa̒ wolo lango? Tatoonu tamotimenga huta dunia wolo titimenga meaambo motimenga hui̒dee wau huludu wolo titimenga?

YEHESKIEL 26:20

Lapatao̒ yio̒ laoloo-U̒ ode dunia lotaa mate u mopanggala wolo tau-tauwalo monto jamani muloololio mai daa̒. Poluli-U̒ yio̒ motibiluloa̒ todunia lotaa mate boito, to huungo lo tutuu-wodeyaalo ohiheo-hiheolo mao̒, pee̒-pee̒enta wolo taa yilate. Yi hutamu diilalo potibiluloa̒alo, wau yio̒ diila tao̒yia̒apa towolota lotaa hitumula.

YEHESKIEL 31:14

Ngoa̒amila boito motoduo mai alihu tumulalo mai botie, madiduu̒ bungo u mobutu mola debo odelo langgatio boito; madiduu̒ bolitutuo̒ bungo u moo̒oma demola heengo eleponu moo̒tapu taluhee dadaata daa̒. Ngoa̒amilalo musi mate debo odelo manusia panaa, wau motia̒mbu wolo tau-tauwalo tamalo tuhutaa mola ode dunia lotaa yilate.”

HABAKU 3:10

Moo̒onto to Eeya, huhuu-ideyaalo molotau̒lo lonto hulungo lotuhutai didi debo odelo leihuatai. Taluhee towalungo huta hula-hulaubio sualaalio, buo̒olio liliilibe wau mobuo̒ola daa̒.

HABAKU 3:6

Wonu Eeya mohuheli, dunia hulu-huluhelio; wonu Eeya momilohe, babaa-ngusawalo geegeri. Huhuu-ideyaalo u ohiheo-hiheolo mao̒ mobubuutaa̒; huhuu-luduwaalo u ohiheo-hiheolo mao̒ olo motiwopa, to huhuu-luduwaalo boitolo Eeya lononao̒ tumulalo jamani muloololio daa̒.

MATIUSI 16:18

Sababu uito ototai mao̒, yio̒ botie tei Petrus, botu u motoheeto. Wau toitaato wumbato botu botieelo Wau̒ mamomongu mao̒ galeja-U̒, udiila mowali olaahe; penu boli lomautu!

TINGULI 32:22

Omulukaa-U̒ mamo hintalabu debo odelo tulu u momobu demola dunia lotaa mate. Tulu boito momobu dunia wau totoonulalo tilapulio, wau huhuu-ideyaalo demola wawaa-atiyoolo mao̒.