YUNU 2:2 - KITABI HABARI MOPIOHE

² “Yaa Eeya, todelomo polosusa lo watotia, watotia longiibode mola to Eeya wau Eeya lolametai olo watotia. Lonto dunia lotaa mate watotia lomolohone polotulungi, polohone lo watotia dilungohe lo Eeya wau piloo̒ tuotai lo Eeya.

YUNU 2:2 ပူးပေါင်းရင်းမြစ်များ

OLUO TAWARI 33:12

Todelomo polodutolio boito tio lotidupapa batanga to Eeya Allahu Taa̒alaalio, wau lodua̒ mola lei̒ tuulungi mai to Eeya.

JABURU 116:3

Watia ilaanjamu baala lomautu; otihela hapato lomautu loluhu olaatia, helohutu olaatia balisa wau yiloohe.

JABURU 120:1

Lahu jiara. To delomo osuusa lowatotia watotia longiibode mola to Eeya, wau Eeya lolametai olo watotia.

JABURU 16:10

Sababu Eeya diila lopoluli mai watotia yilate; taa u pilonua lo Eeya diila piloluli lo Eeya binasa.

JABURU 22:24

Pujialo mola Eeya, wuu tau-tauwalo tahi saalea! Pou̒daa̒alo mola Eeya, wuu ngoa̒amila wali mai lei Yako! Posujudulo to Eeya, ngoa̒amila wali mai lo Isirai̒lu!

JABURU 34:6

Taa hideehea helo tiwunela mola to Eeya wau lotiwengahu, timongolio diila o alaasani u mowali moolito.

JABURU 4:1

Duo̒lo diriheni lopolemboa̒ tamoolahua. Wolo yiyitohe kocapi. Jaburu lei Dauda.

JABURU 61:2

Dungohilo mai iibodu lowatotia, yaa Allahu Taa̒ala, poo̒tuotilo mai dua̒ lowatotia.

JABURU 65:2

Patutilo amiaatia momuji mola Eeya to Sion, yaa Allahu Taa̒ala, wau mopoo̒polu danti lamiaatia to Eeya.

JABURU 86:13

Sababu Eeya debo momonu olo watotia wolo ponu u udaa̒; Eeya malo lopatai nyawa lowatotia lonto huango kuuburu.

YESAYA 14:9

Dunia lotaa mate rame-rame mohima oli olongia lo Babel boito. Yi mao̒oheaalo mola aruwa lotau-tauwalo tamuloololio mai okawasa todunia, wau aruwa lomongo olongia mobongu monto kadera huhuloa̒ li olongia limongolio.

HIYONGO MOPOILAALO SUUSA 3:55

Yaa Eeya, watotia mongiibode to Eeya, lonto wamoo̒ ali u modeloma boito.

YEHESKIEL 26:20

Lapatao̒ yio̒ laoloo-U̒ ode dunia lotaa mate u mopanggala wolo tau-tauwalo monto jamani muloololio mai daa̒. Poluli-U̒ yio̒ motibiluloa̒ todunia lotaa mate boito, to huungo lo tutuu-wodeyaalo ohiheo-hiheolo mao̒, pee̒-pee̒enta wolo taa yilate. Yi hutamu diilalo potibiluloa̒alo, wau yio̒ diila tao̒yia̒apa towolota lotaa hitumula.

YEHESKIEL 31:14

Ngoa̒amila boito motoduo mai alihu tumulalo mai botie, madiduu̒ bungo u mobutu mola debo odelo langgatio boito; madiduu̒ bolitutuo̒ bungo u moo̒oma demola heengo eleponu moo̒tapu taluhee dadaata daa̒. Ngoa̒amilalo musi mate debo odelo manusia panaa, wau motia̒mbu wolo tau-tauwalo tamalo tuhutaa mola ode dunia lotaa yilate.”

MATIUSI 12:40

Tei Yunu lotibiluloa̒ dulahio totolu wau huilio totolu todelomo ombongo tola leidaa̒. Odito olo Walao̒ Manusia mamo tibiluloa̒ huilio totolu wau dulahio totolu todelomo ombongo huta.

LUKASI 11:10

Sababu tamohile mamololimo; tamololohu mamoo̒tapu wau tamongokoo̒ mahuo̒walio tohuhebu.

LUKASI 22:44

Ti Isa lodutola daa̒ lohilao tilinggula Tio helebe tio̒otutua lodua̒. Wula-Tio debo odelo duhu u hilumeheta ode huta.]

WUNGGULI LOMONGO RASULU 2:27

Sababu Eeya diila mopoluli himuu̒duu̒ meitolaa todelomo dunia lotaa lopowate. Eeya diila mopoluli wato lo Eeya taa tatapu wau molotolo hilao boito motoyopu wau mopulito.

IBRANI 5:7

Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.

BOHULO SEMUEL 1:16

Diila mao̒ anggapua watia botie taabua suuntali. Watia helodua̒ mola debo odelo utie sababu watia suukali daa̒.”

BOHULO SEMUEL 30:6

Tahidudua̒ olei Dauda siluukali daa̒ sababu timongolio maa iloolia lowalao̒ wau dile limongolio. Sababu uito timongolio mamomai̒ olei Dauda wolo botu. Oditolio tei Dauda todelomo ileepita daa̒, bo hilaalio luli piloo̒ lotoolai lo Eeya Allahu Taa̒alaalio.