YUNU 1:7 - KITABI HABARI MOPIOHE

⁷ Lapatao̒ tei Yunu wau nakoda boito lobotula mola ode yitaato, tahi pokalajawa to kaapali boito loloi̒ya ode timongota limongolio, “Dulo, pahutoonto alihu otaawanto tatoonu tao̒totala tilinggula ito ilodungga lobaala botie!” Timongolio malo mahutao̒, wau tanggulee Yunu u ilopahutalio.

YUNU 1:7 ပူးပေါင်းရင်းမြစ်များ

ESTERI 3:7

To taunu opulaa duluo pamalenta li Olongia Ahasyweros, to hulalo bohulio, deu̒yito-yito hulalo Nisani, tei Haman helei̒ pahuta undi u ilunte “purim” u motota mao̒ dulahu wau hulalo toonu u motuuhatawa poponao̒olo niyatilio u moleeta boito. Yi matilantulio mao̒ todulahu opulaa totolu wau hulalo opulaa duluo, deu̒yito-yito hulalo Adar.

AYUBA 10:2

Yaa Allahu Taa̒ala, ambunguolo diila mao̒ potalawa mai watotia; ambunguolo poo̒patata mai yilongola watotia tiluwalia lo Eeya.

JABURU 22:18

Ngoa̒amila tulalo watotia o yia̒apa lowatotia, musu lomilohe olo watotia odelo hepo bibiilohe lotau.

POHUMAYA 16:33

U motota mao̒ paladu, manusia momahuta undi, bo tamolantu mai tametio bo Eeya lohihilao wambai̒o.

YIA̒APO 32:23

Bo eelai mao̒, wonu timongoli diila moe̒elao̒ dantimu, timongoli odusa to Eeya wau mamoo̒tapu hukuumani sababu dusamu boito.

MATIUSI 27:35

Lapatao̒ silalipulio Tio, timongolio malo laya-layade boo̒-Lio wolo undi.

WUNGGULI LOMONGO RASULU 13:19

Pitu bangusa hebilinasaa-Lio tolipu lo Kanaa̒n u lolaya-layadeo̒ lipu boito ode bangusa lo Isirai̒lu alihu lipu boito mowali haku limongolio.

1 KORINTUS 4:5

Sababu uito, sababu diipo wakutuulio, timongoli diila mao̒ polamemeto molantu deu̒ tahingota-ngotaawa yito ototala meaalo diila. Wimailo tunggula Eeya de meidungga mai. Eeyaalo tamamomuo̒ ngoa̒amila hitua-tuawua u malakusudu hetuuo̒lo u tuutuo̒ todelomo u modio̒lomo. Eeyaalo tamamo monggali ngoa̒amila niyati uleitahu todelomo hilaa lomanusia. Tou̒ boito timii̒du tau bolo mololimo monto Allahu Taa̒ala poloi̒laalo momuji upaatuti tolimoolio.

YOSUA 7:10

Eeya lolametai olei Yosua, “Pobongulo mola! Diila ohunalio yio̒ mosujudu ode huta debo odelo uito!