YUNU 1:4 - KITABI HABARI MOPIOHE

^4-5 Tei Yunu lolaahe mola ode tambati u towalungio daa̒ wau malo tibalata teto, tulusi leinuloto daa̒. Lapatao̒ Eeya lopodungga mai dupoto huloyongo ode yitaato kaapali, tulusi lotoduolo mola dutalo ulaba-labaalo, ulopo baleango kaapali boito tilinggula ngopee̒ loa̒ahumu. Tahi pokalajawa to kaapali mailoohe daa̒ wau hiwuwa-wuwaatia̒ mei̒ tulungi, ngota-ngota ode dewalio lohihilao. U mopo kuulangi topotala bolo moa̒ahumo, timongolio malolapi detohu kaapali boito ode delomo deheto.

YUNU 1:4 ပူးပေါင်းရင်းမြစ်များ

JABURU 135:6

Eeya lohutu mai wolo u kilahandaki-Lio, tohulungo wau todunia, todeheto wau to auhe daa̒ umodelomo.

JABURU 135:7

Monto huudu dunia Eeya lopodungga mai heengo, pilohutu lo Eeya ilato duo̒lo didi. Lapatao̒ Eeya lomalenta dupoto alihu lumualo monto tambati polahua lo Eeya.

JABURU 148:8

wuu ilato wau didi esi, botua wumbuo̒ lotaluhu moputio̒ wau heengo, dupoto moo̒ohuu̒ u modudua̒ palenta lo Eeya!

PILOTIMUA̒TA 10:13

Tei Musa lomintaaa̒ mola tunggudio wau Eeya helohutu mai dupoto tiimuru lohiipa tolipu boito. Ilo-ilolaanga wau ilo-iloonua. Tou̒ madumodupai dupoto boito helo potombotai bubuu-litaalo

PILOTIMUA̒TA 10:19

Yi Eeya malo molio̒ dulungo dupoto lowali dupoto barlao u moo̒ohuu̒ daa̒. Bubuu-litaalo boito hiliipo dupoto wau pilo tombotio mola ode Deheto Gelaga. Penu boli tuwau mao̒ diaaluo u leitolaa to ngoilanggubu huta lo Masiri.

PILOTIMUA̒TA 14:21

Lapatao̒ tei Musa lomintaaa̒ mola uluu̒lio odeitaato deheto, wau Eeya lohutu mai dupoto tiimuru lohiipa loo̒ohuu̒ daa̒ tilinggula taluhu deheto tilumouli. Ilo-iloonua dupoto boito hihiipo, wau lomolio̒ deheto lowali lohengu.

PILOTIMUA̒TA 15:10

Bo Eeya wolo pee̒enta lohilao helo podungga mai ode Masiri dulahee u marapo. Timongolio yilomoduo̒ debo odelo timohe u mobuheeto todelomo oliyoo̒ buo̒olo taluhu ulaba-labaalo.

YEREMIA 51:16

Bo wolo longohi palenta, potingohulo moo̒ohuu̒ bulontungo taluhu to ayuntala. Lonto huuhuudu lo dunia pilopo dungga mai lo Eeya heengo, wau pilohutu lo Eeya ilato lotinela todelomo didi, wau yilao mai lo Eeya dupoto lonto tambati polahualio.

AMOS 4:13

Hui̒dee wau dupoto, Eeyaalo talo powali mai; lanjanaa-Lio piloilaalo-Lio mai ode manusia. Tio lohutu mai dulahu wau hui; toitaato lo boboo-litutuo̒walo dunia Tio lolontale. Eeya Allahu Taa̒ala Taa Laba-labaalo kawasa, boitolo tanggu-Lio.

YIA̒APO 11:31

Debolo Eeya malo podungga mai dupoto lonto deheto; dupoto boito helodelo bubuu-lungiyalo bilubilulu u hitombota moopa daa̒, tunggula ngomeeteri toitaato tudu lohuta. Bubuu-lungiyalo boito hitombota toitaato kema tunggula ngoilaminga dengolo kilo meeteri topalitio.