YUNU 1:3 - KITABI HABARI MOPIOHE

³ Bo tei Yunu tumbao̒ malo monggata ode dulungo wewo u lopolahi batanga lonto Eeya. Tio lonao̒ ode Yopa, wau leitaahua loo̒dungga mota kaapali u mamobite ode Spanyol. Lapatao̒ tio lomaayali mao̒ oonggosi lo naonao̒olio tio lobotula mola ode kaapali, tulusi tio lobite pee̒-pee̒enta wolo tahi pokalajawa to kaapali ode Spanyol, u mopolahi batanga monto Eeya.

YUNU 1:3 ပူးပေါင်းရင်းမြစ်များ

ILOOWALI 3:8

Lolaangio boito timongolio loo̒dungohe Eeya Allahu Taa̒ala lojalena todelomo tamani, tulusi timongolio duduulota malo tituuo̒ towolota lo bubuu-ngowaalo ayu alihu diila oontonga lo Eeya.

ILOOWALI 4:16

Lapatao̒ lonao̒olo tei Kain lonto talu lo Eeya wau lotibiluloa̒ tohuta u ilunte huta lo “Tamoohuata” to ambahu Tiimuru Eeden.

BOHULO MONGO OLONGIA 19:3

Tei Elia mailoohe, lapatao̒ tio lolahi alihu diila pateelio mate-matelo mao̒. Tio lonao̒ wolo tamoo-mayawa olio ode Bersyeba to Yehuda. Mola teto tio malo lolaa mao̒ tamoo-mayawa olio boito,

BOHULO MONGO OLONGIA 19:9

Mola teto tei Elia lotihui todelomo gowa. Lapatao̒ Eeya lotahuda mai olio, “Elia, donggo hemongola yio̒ tewe?”

OLUO TAWARI 2:15

Amiaatia hemohima mai uilao oluolio debo odelo pale, angguru wau winulo jaitun u mapilo danti mai li Tuani boito.

OLUO TAWARI 2:16

Amiaatia mamo luwodeo̒ ayu woohu monto hihui̒-hui̒dea lo Libanon ngodaata u palaluo li Tuani, lapatao̒ mongawadeo̒ mowali hei̒ta, wau poyilihulo moli deheto demola Yope. Mola monteeto mai ti Tuani mowali momintaa̒a ode Yerusalemu.”

OLUO TAWARI 9:21

Tei Salomo okaapali dadaata duduulaa̒ u hipobitea to auhe daa̒ wolo kakaa-paliyaalo li Olongia Hiram. Tolo taunu mola pee̒enta kakaa-paliyaalo boito hemodelo mai hulawa, talaa̒, tua̒langa, dihe wau bulungi meraki.

ESRA 3:7

Ulipu helo dembulo doi u powuupaalo pani lobotu wau pani lo ayu. Timongolio olo he lolao u aalo wau u yilumoolo wau winulo jaitun ode kokoo-tawaalo Tirus wau Sidon u tuloa̒alo wolo ayu woohu lo Libanon lonto kokoo-tawaalo boito. Ayu boito he dilelio ode Yapo loli deheeto. Ngoa̒amila boito hekilaraja lo ulipu to iijini lei Kores, olongia lo Persia.

AYUBA 1:12

Yi tahuda mao̒ lo Eeya ode Tamoomuyuwa, “Ooo̒, pohutuwalo boli wolo wambai̒o to ngoilanggubu okokaya lei Ayuba, asali diila mao̒ poo̒ngongota tio!” Lapatao̒ malonao̒ Tamoomuyuwa lonto talu lo Eeya.

AYUBA 2:7

Yi Tamoomuyuwa lonao̒ lonto talu lo Eeya, wau helo potoodeo̒ bohe u olaala mohutodu to ngangaawaa̒ lei Ayuba lonto paladu oa̒ato demola wimbupululio.

JABURU 107:23

Woluo poli talonao̒ lobalango deheto wolo kaapali, u mopeehu ua̒alo to deheto u luasi.

YESAYA 2:16

Kaapali u mailaba udaa̒ wau mailaba gaaga mapoa̒humolo.

YESAYA 23:1

Uti-utieelo tahuli pasali lo Tirus. Wuu tau-tauwalo u kalajaalio hipobitea todeheto lo Spanyol tamoonao̒ mobalango auhe daa̒, pohilimutolo mola! Tou̒ hibitea lohualingo lonto Siprus, timongoli piloo̒taalio deu̒ kota Tirus, malo aantulu. Tambati potirabualo wau bebee-leyaalo limongoli malowali tuodu.

YESAYA 23:10

Ponao̒olo mokalaja mao̒ halabolumu, wuu ulipu lo Spanyol, sababu tambati hepotuwalo kaapali madiduu̒.

YESAYA 23:6

Pohilimutolo mola, wau poa̒ahuwalo batanga ode Spanyol, wuu ulipu lo pentadu!

YESAYA 60:9

Ui-uitolo kakaa-paliyaalo u mai lotirabua helodelo umati lo Allahu Taa̒ala lohualingai lonto lipu u molamingo. Talaa̒ wau hulawa dilelolio pee̒-pee̒enta u momuji Eeya Allahu Taa̒ala limongoli; duo̒lo Allahu Taa̒ala lo Isirai̒lu Taa Laba-labaalo mantali, talohutu umati-Lio hilurumati.

YEREMIA 10:9

Tio yilolude lo talaa̒ wau hulawa u dilelo lonto Spanyol wau kota Upas, ngoa̒amilalo huhutu lo uluu̒ soniimani wau pani lo hulawa. Pakeyangilio lonto kaingi lailoumu panggola wau lailoumu muda, kilalajaa lo tahi ahaalio mohewo wolo ulintapo.

YEHESKIEL 2:8

Wuu manusia panaa, dungohilo wolo potahudaa-U̒ mai olemu. Diila mao̒ podudua̒ momalakala olo. Huo̒ilo mola tunggilumu wau tamelalo wolo u wohi-U̒ mai olemu.”

YEHESKIEL 27:12

Yio̒ mopotali babaa-langiyalo daahangimu u dadaata daa̒ to Spanyol, wau odelo bayaliilio yio̒ mololimo talaa̒, wate, timohe moputio̒ wau timohe moitomo.

YEHESKIEL 3:14

Okokawasa lo Eeya leidungga mai odelaatia wolo laba-labaalo, wau tou̒ watia bilintai̒o wau dilelo lo Rohu-Lio hilaa lowatia lasaalo mopaa̒ato wau mopatu.

YUNU 1:10

Lapatao̒ sililitaalio mao̒ woloolo mola tio helo tolopani mopolahi batanga monto Eeya. Loo̒dungohe uito tahi pokalajawa to kaapali malebe yiloohe poli wau loloi̒ya mao̒ olio, “Buheli daa̒ huhutuumu boito!”

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

LUKASI 9:62

Ti Isa lotahuda mao̒ ode tau boito, “Taa umaa lolumula lomadeo̒, lapatao̒ moili ode wulea, diila paatuti mowali pongawaa̒ umati lo Allahu Taa̒ala.”

WUNGGULI LOMONGO RASULU 15:38

bo tei Paulus molaasa diila mopiohe modelo olei Markusi, tadiila mohuto mokalaja pee̒-pee̒enta woli mongolio wau malo lolaa mao̒ olimongolio to Pampilia.

WUNGGULI LOMONGO RASULU 26:19

“Sababu uito, Baginda Agripa, watia laito hemo tolopani modungohe to bibilohe umaa tilolimo lowatia lonto Allahu Taa̒ala boito.

WUNGGULI LOMONGO RASULU 9:36

To Yope woluo taabua ngota tanggulio Tabita. Tio ngotaalio tapalacaya li Isa. (Tanggulio tobahasa Yunani yito Dorkas u boliilio mao̒ buu̒lu.) Tio laito bo wambao̒ hemohutu susuu-aliyaalo u mopiohu wau hemo tulungi totahi mosikinia.

WUNGGULI LOMONGO RASULU 9:38

Yope diila botie molamingo monto Lida. Oditolio tou̒ tahidudua̒ li Isa to Yope loo̒dungohe olei Petrus to Lida, timongolio malo poa̒hu mota duulota lonao̒ odelei Petrus wolo tahuli odie, “Hua̒a pohuwalingai odia.”

WUNGGULI LOMONGO RASULU 9:42

Habari pasali u lotoduo mai boito malo loladulo mola ode ngoilanggubu Yope, tilinggula dadaata taa palacaya li Isa odelo Olongia Tamoo-poa̒ahua limongolio.

WUNGGULI LOMONGO RASULU 9:43

Tei Petrus lotibiluloa̒ teto dengolo hui mola tobele ngotaalio tamoolahea walito lo binatangi tanggulio Simon.

1 KORINTUS 9:16

Sababu, wonu uito bo sua̒li mopohabari Habari Mopiohe monto Allahu Taa̒ala, yi watia diila ohaku mopo mangga-mangga lohilao, sababu Allahu Taa̒ala malo malentai olaatia u lohutu uito. Matopotala watia, wonu watia diila mopohabari Habari Mopiohe boito!

2 TESALONIKA 1:9

Tau-tauwala boito mamololimo hukuumani obobinasa ohiheo-hiheolo mao̒, tapilo-Lio ode bulemengio monto ulawota lo Eeya wau monto kawasa-Lio udaa̒;

YOSUA 19:46

Me-Yarkon, Rakon, wau olo madala topalito Yope.